Við fengum að forvitnast hvað nokkrir af nemendum framhaldsskólans hafi eytt vetrarfríinu sínu í.
Inga Dan
Ég gerði nú ekkert spennandi þar sem ég var lasin í fríinu. Eða jú, ég vann tvo daga á leikskólanum Sóla og svo varð ég veik.
Kári Steinn
Ég var uppi á landi í ökuskóla 3 og horfði á Níu Líf. Svo fór ég bara til Vestmannaeyja og var að plana að gera eitthvað business með hljómsveitinni minni Hrossasauðir. Svo var ég að plana að búa til bíómynd og horfa á Dahmer og byrjaði að horfa á Saul – eða Better Call Saul. Það var gott að fá smá frí en maður verður leiður á því eftir smá stund. Alltaf gott að koma aftur í skólann til að narta í Aroni og bullshitta.
Aron Stefán
Ég var að vinna og pantaði mér flug til Prag á tónleika með Blink 182. Ég fer í september á næsta ári þannig það er alveg langt í þá. Jón Grétar og Skírnir Freyr koma með mér. Það er nauðsynlegt að fá smá frí frá skólanum en líka gott að vera mættur aftur til að narta í Kára og bullshitta.
Hafdís Björk
Ég fór til Reykjavíkur í vetrafríinu í tvítugsafmæli hjá bestu vinkonu minni. Við sungum karaoke með fjölskyldunni hennar og djömmuðum smá. Ég fór líka á stefnumót með kærastanum mínum til að fagna tveimur árum saman. Við fórum á sushi veitingastað og áttum æðislegt kvöld og eyddum síðan restina af kvöldinu með vinum okkar sem eiga heima í bænum.





