01.01.2021

Gleðilegt og kærleiksríkt komandi ár !

Tígull óskar ykkur gleði og hamingju á nýju ári. Við þökkum fyrir alla innsendu greinarnar og allar ábendingar sem gerðu Tígul enn skemmtilegri.

Við þökkum auglýsendum okkar, án ykkar yrði þetta frekar erfitt.

Uppfærsla á Tígull.is

Fyrstu dagar þessa nýja árs fara í að uppfæra Tígull.is en það var löngu kominn tími á smá uppfærslu og ponsu litlar breytingar í leiðinni. En það er dálítið erfitt að finna rétta tíman til að pása að setja inn fréttir og upplýsingar en þetta verður víst að hafa sinn gang og mun vera gert á næstu dögum.

Fyrsta blað Tíguls 2021

Við erum komnar á fullt að setja saman fyrsta blað ársins sem mun koma út 20.janúar en skil á auglýsingum og greinum er þá helst í vikunni á undan 11.-15. janúar en allra síðasti skiladagur er mánudagurinn 18.janúar.

Við stefnum á að halda útgáfunni áfram óbreyttri

Stefnum á að gefa út eitt blað vikulega við vonum að fyrirtæki sjái sér fært um að vera með okkur áfram og láta vita af sér á Eyjunni okkar svo að við getum haldið útgáfunni áfram. Því með ykkar hjálp er þessi litla útgáfa möguleg. Alveg eins og veitingastaðirnir á eyjunni eru til vegna þess að við sækjum þá, fallegu verslanirnar okkar eru til af því að við verslum við þær.

Þetta er ekki flókið elsku vinir – hlökkum til að takast á við árið 2021 með ykkur.

Kata Laufey

Ritsjóri Tiguls

Hér fyrir neðan er myndband frá Halldóri B. Halldórssyni en hann fór í morgungöngu á fyrsta degi ársins.