24.09.2020
Í ljósi þeirrar óvissu sem er í þjóðfélaginu vegna nýrrar bylgju Covid-smita og í þeim tilgangi að leggja lóð á vogarskál baráttunnar við útbreiðslu veirunnar hefur mótanefnd HSÍ og stjórn HSÍ tekið þá ákvörðun að fresta eftirtöldum viðburðum:
1. A landslið kvenna, æfingavika 28. Sept – 4. okt
2. Yngri landslið, æfingahelgi 30. Sept – 4. okt
3. Fjölliðamót hjá KA, Þór og ÍBV í 5. -6. flokki eldri karla og kvenna, 2- 4. október.
4. Fjölliðamót hjá Haukum og Fjölni í 7. flokki karla og kvenna, 2.-4. október
Á næstu dögum og vikum mun óvissuástandið vonandi skýrast og mun HSÍ vera í sambandi við aðildarfélögin hvað varðar þessa tilteknu viðburði og hvort og þá hvenær þeim verður komið inn í dagskrá vetrarins og hvaða áhrif þetta hafi á aðra leiki og keppnir.
Greint er frá þessu á vef hsi.is
