Í tilkynningu frá Handknattleiksdeild ÍBV segir að Hrafnhildur Hanna Þrastardóttir hafi samið til tveggja ára við ÍBV.
Hanna, eins og hún er oftast kölluð, gekk til liðs við ÍBV fyrir tveimur árum síðan. Hún var að glíma við meiðsli fyrri hluta yfirstandandi tímabils eftir að hafa leikið stórkostlega í úrslitakeppninni í fyrra, þegar liðið fór í undanúrslit og var hársbreidd frá því að komast í úrslit.
Hanna hefur verið að ná vopnum sínum aftur undanfarnar vikur og er komin á fullt með liðinu, en þær hefja úrslitakeppnina á morgun þegar Stjarnan kemur í heimsókn.
Við hjá ÍBV eru afar ánægð að samkomulagið sé í höfn, enda er það stór þáttur í þeim plönum sem við höfum hjá kvennaliðinu fyrir næstu tímabil.
Aðspurð sagðist Hanna ánægð með þessa ákvörðun. Henni liði vel í Vestmannaeyjum og hjá ÍBV og að hún ætli sér stóra hluti á komandi tímum með liðinu. Hún vildi svo bæta við hvatningu til Eyjamanna að fjölmenna á leiki stelpnanna sem framundan eru í úrslitakeppninni!
Við óskum Hönnu hjartanlega til hamingju með nýjan samning og hlökkum mikið til áframhaldandi samstarfs segir að lokum.
Myndina tók Nicolas Del Barrio
