Þann 25. janúar héldu Guðni Grímsson, Magnús Sigurðsson, Dagur Steinn Magnússon, og Grétar Már Óskarsson til Bandaríkjana til að taka þátt í keppninni King of Hammer. King of the Hammers er ein stærsta utanvegarakstursíþróttahátíð sem á sér stað í eyðimörk í Johnson Valley í Kaliforníu. Þetta er 14. árið sem þessi hátíð er haldin og stendur hún yfir í eina viku, og er keppt í allskonar greinum. Í eyðimörkinni safnast saman áhugafólk allstaðar að og eru um 100.000 manns sem mæta á svæðið og keppa. Magnús Sigurðsson er eigandi og ökuþór bílsins. Guðni Grímsson er liðstjóri og sá um að plana þetta allt saman, flug og gistingu fyrir liðsmenn, skráningar í keppnina og kaup á varahlutum. Fyrstu dögunum var eytt í Memphis til þess að klára að gera bílinn Kubb tilbúinn fyrir KOH því var hann ekki útbúinn samkvæmt reglum. Þeir fóru á fullt í að uppfæra allt í bílnum svo hann væri löglegur. En Kubbur hafði verið þar síðan síðasta keppni var haldin. Þau Kristín Hartmannsdóttir og Grímur Guðnason flugu út 1. febrúar til að fylgjast með keppninni en þau fóru beint í eyðimörkina.
Nöfnin á þeim sem að fóru út og aðstoðuðu við keppnina: Magnús Sigurðsson, Guðni Grímsson, Baldur gíslason, Kristín Hartmannsdóttir, Bæring jóhann Björgvinsson, Grìmur Guðnason, Bjarni sigfússon, Dagur steinn Magnússon, Grètar Màr óskarsson, Einar Sigurðsson, Brynjar Pètursson sem og vestmanneyingurinn Björgvin Hlynsson sem aðstoðaði í undirbúningnum í Memphis en komst ekki à keppnina.
Næst var haldið til Johnson Valley þar sem keppnin var haldin sem var ágætis ferðalag.
Kubburinn rann í gegnum tækniskoðun með minnihàttar athugasemdum.
Það var komið að prufukeyrslunni. Í eyðimörkinni er ekkert símasamband og því er komið VHF talstöð fyrir í Kubbnum og þjónustubílnum svo það sé hægt að hafa einhver samskipti. Keppnishaldarar setja GPS tæki á toppinn á keppnistækjunum til þess að keppnishaldarar og áhorfendur geti fylgst með á samfélagsmiðlum heima í stofu eða í Hammertown (pittinum). Í Kubbnum verður síðan spjaldtölva með Bluetooth GPS loftneti sem búið er að hlaða inn leiðinni svo ökumaður rati brautina og villist ekki af leið.
Magnús náði ekki að klára runnið í undanúrslitunum því öxlar og jógi brotnuðu. Það var á tímabili ekki víst hvort hann hefði misst tækifærið á að keppa í stóru keppninni en kom svo í ljós að hann komst áfram í aðalkeppnina!
Eftir frábæra byrjun í aðalkeppninni þá bræddi mótorinn úr sér en hann náði 50 mílum í einni af erfiðustu keppni í þessum flokki.
Kubbur er úr leik en við göngum sátt frá og upp í áhorfendastúku, kom fram á facebooksíðu Kubbs.
Hægt er að lesa meira hér um undirbúninginn.
