Fimmtudagur 8. desember 2022

Hopp til Vestmannaeyja næsta sumar

25.10.2020

Rafhlaupahjólaleigan Hopp verður fyrst sinnar tegundar hér á landi til að færa kvíarnar út fyrir höfuðborgina.

Á vef Viðskiptablaðsins er viðtal við Eyþór Mána Steinarsson rekstrarstjóra Hopp.

Rafhlaupahjólaleigan Hopp hefur samið við sérleyfishafa um að hefja starfsemi á Akureyri og í Vestmannaeyjum næsta sumar. Hopp gerist þar með fyrsta rafhlaupahjólaleigan sem tekur til starfa utan höfuðborgarsvæðisins, en hún var einnig fyrst til að hefja starfsemi innan þess.

Unnið hefur verið að því hörðum höndum síðustu mánuði að breyta hugbúnaði fyrirtækisins þannig að hægt sé að opna sérleyfi í gegnum Hopp. „Fólk á þá reksturinn sjálft en vinnur með okkur við allt miðlægt tengt rekstrinum, sérstaklega hugbúnað og stjórnun,“ segir Eyþór Máni Steinarsson, rekstrarstjóri Hopp.

Samstarfið virkar þannig að Hopp útvegar hugbúnaðinn og aðra miðlæga þjónustu, rekstraraðili kaupir svo sérstaka gerð rafhlaupahjóla í gegnum Hopp, og Hopp tekur svo ákveðið hlutfallslegt gjald af allri veltu sem þjónustugjald.

Nokkuð er síðan Hopp fékk sérleyfishafa á Spáni, en næsta sumar hefst einnig starfsemi sérleyfishafa á Akureyri, með 65 hjól, og í Vestmannaeyjum, með 25 hjól. Starfsleyfi hefur þegar fengist hjá Akureyrarbæ og vilyrði hefur verið gefið af bæjaryfirvöldum í Vestmannaeyjum, að sögn Eyþórs.

Hopp er stöðugt í leit að fleiri samstarfsaðilum. „Það er enginn staður of smár fyrir Hopp,“ segir hann að lokum.

Frétt frá Viðskiptablaðinu

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is