Innihald – botninn:
1 bolli valhnetur
1⁄2 bolli heslihnetur
1/3 bolli kashewhnetur
1⁄2 bolli döðlur
4 msk döðluvatnið – ef þarf
Innihald – karamellan:
2 bollar döðlur
3 msk lífrænt hnetusmjör
1 msk kókosolía – brædd
2 tsk vanilludropar
hnífsoddur sjávarsalt
Ofan á karamelluna:
1⁄2 – 3⁄4 bolli kashewhnetur – gróft saxaðar
Aðferð – botninn:
Döðlurnar eru steinhreinsaðar og
saxaðar áður en þær eru settar í bleyti í
sjóðandi heitu vatni í um 10 mínútur.
Þá er vatninu hellt af og geymt ef það
þarf að bæta við vökva.
Val-, hesli- og kashewhneturnar eru
settar í matvinnsluvél og muldar fínt niður.
Döðlunum er þá bætt við og blandað
vel þannig að blandan klístrist saman.
Ef of þurrt þá er hægt að bæta við smá döðluvatni.
Blöndunni er þrýst jafnt og þétt niður í
form (t.d. 20×20) sem klætt hefur verið
að innan með bökunarpappír.
Sett til hliðar.
Aðferð – karamellan:
Döðlurnar eru saxaðir smátt áður en
þær eru settar í bleyti í sjóðandi heitu
vatni í um 15-30 mínútur.
Blandið döðlunum og öllu hinu í
karamellunni saman í matvinnsluvél og
ef of þurrt þá er hægt að bæta við smá
döðluvatni en karamellan á að verða
silkimjúk og því sem næst kögglalaus.
Blöndunni hellt yfir botninn.
Þá eru kashewhnetunum dreift yfir og
þrýst léttilega á þannig að þær tolli í
karamellunni. Því næst sett í frystinn 1 klst.
Innihald – súkkulaðið:
1 stk avokadó
1 msk kókosolía – brædd
4 msk lífrænt hunang (einnig hægt að nota maple sýróp)
4 msk lífrænt kakóduft
Aðferð – súkkulaðið:
Öllu blandað saman í
blender/matvinnsluvél þar til orðið silkimjúkt.
Botninn tekinn úr frystinum – tekin upp
úr forminu með því að taka í
bökunarpappíriinn og botninn skorinn í
hæfilega bita (fínt að miða við munnbita).
Þá er að hjúpa bitana með súkkulaðinu
t.d. með því að smyrja súkkulaðinu á
með teskeið/brauðhníf.
Bitunum raðað á disk/skurðarbretti og
geymt í frysti í a.m.k. 2-3 klst. Geymist
í 5-7 daga (ef það klárast þá ekki fyrr).
