Úlfur Ingi Gíslason var allra yngsti keppandinn í 5 km hlaupinu, en hann er aðeins sex ára gamall. Úlfur bað mömmu sína að skrá sig til leiks sem og hún gerði. Hann hljóp sem vindurinn alla leiðina einn en mamma hans keyrði á undan og tók stöðuna á honum reglulega og gaf honum að drekka. Úlfur Ingi hljóp 5 km á 29:57 mín og var í 6. sæti í sínum aldursflokki, það munaði ekki nema 27 sek á 3. sætinu og 6.sætinu.
Tígull spurði hann hvort hann ætlaði að verða hlaupari þegar hann yrði stór, hann sagðist nú bara ætla verða demantssafnari. Við spurðum hann einnig af hverju hann vildi taka þátt í hlaupinu. Hann svaraði einfaldega: Nú mér fannst ég bara vera tilbúinn.
Það verður gaman að fylgjast með þessum orkubolta í framtíðinni.
Hér er stutt spjall við snillinginn:
