20.04.2020
Hjörtur Kristjánsson framkvæmdastjóri lækninga hjá Heilbrigðisstofnun Suðurlands fór yfir hvernig faraldurinn hefur verið í Vestmannaeyjum.
Hann segir mikinn kraft hafa verið settan í smitrakningu en samgöngur hafi takmarkað það dálítið þar sem ekki var hægt að senda sýni strax til rannsóknar.
Smitrakningin hafi þó gengið vel og mikil samstaða hjá bæjarbúum.
1500 manns voru skimaðir í Eyjum á tveimur dögum í byrjun apríl. Það var gert í samstarfi við Íslenska erfðagreiningu og greindust þá 33 með veiruna, sumir einkennalausir. Eftir þessa skimun hefur aðeins einn greinst með kórónuveiruna í Eyjum.
Um tíu einstaklingar eru enn í einangrun en 94 hafa útskrifast. Og eingöngu 6 í sóttkví. Þetta er mjög ánægjulegt og vegna þessa hefur hertum aðgerðum varðandi samkomur og samskipti fólks verið aflétt.
Þá segir Hjörtur að ekkert smit hafi komið upp á hjúkrunar- og dvalarheimilinu í Vestmannaeyjum.
Frábært að sjá samtakamáttinn segir Hjörtur.
Bæjaryfirvöld, verslanir og fyrirtæki, lögreglan og heilbrigðisstarfsfólk.
Forsíðumynd er skjáskot af visir.is
