Vegna þess hve seint síðustu flugeldagámar Slysavarnarfélagsins Landsbjargar bárust til landsins, sáum við fram á að fá ekki alla þá flugelda sem við áttum von á.
Herjólfur ohf, ásamt áhöfn tók að sér að leysa þetta vandamál með flutning, þegar allar bjargir virtust bannaðar.
Þegar við leituðum til þeirra með þetta vandamál, voru viðbrögðin mjög einföld, við leysum þetta.
Niðurstaðan var að Herjólfur fór aukaferð á Þorláksmessu upp í Landeyjarhöfn og eina sem flutt var með skipinu í þeirri ferð var flugeldagámur.
Það gleður okkar hjarta að sjá hvað Herjólfsmenn og konur meta okkar störf mikils og eru tilbúinn að aðstoða okkur í vandræðum.
Við þökkum starfsfólki Herjólfs kærlega fyrir að bregast svona skjótt og vel við. Það er greinilegt að hjá þeim var þetta ekki vandamál, bara spurning um lausn.
Herjólfur ohf – Herjólfur ohf ferry
