Helstu verkefni Fjölskyldu- og tómstundaráðs á árinu | Tígull.is - Fréttir og viðburðir í Vestmannaeyjum
Halldór Ben

Helstu verkefni Fjölskyldu- og tómstundaráðs á árinu

Nú er árið 2019 senn á enda og því vert að fara yfir hver helstu verkefni Fjölskyldu- og tómstundaráðs hafa verið á árinu.

Til að byrja með er gott að fara yfir hvaða breytingar urðu frá og með síðustu áramótum.  

  • Þá var sett inn aukið fjármagn til þess að efla bakvaktir barnaverndar í Vestmannaeyjum. 
  • Staða æskulýðs- íþrótta og tómstundafulltrúa var tekin í gagnið. Þörf var á að hafa fulltrúa sem ber ábyrgð á forvörnum og fræðslu fyrir börn og ungmenni. Á árinu hefur einmitt verið stofnaður forvarnarhópur sem hefur það verkefni að virkja forvarnarstefnu bæjarins. 
  • Staða fjölmenningarfulltrúa bættist við og kom fram í skýrslu seinna á árinu að fulltrúinn hefði fjölmörg verkefni og hefði unnið að mörgum góðum verkefnum sem snúa að bættri þjónustu fyrir nýbúa í Vestmannaeyjum.
  • Frá og með áramótum hófst aukin ferðaþjónusta fyrir fatlaða en þá gat sá hópur nýtt sér þjónustu um helgar og á kvöldin.  

Það var ánægjulegt á árinu þegar heilsuefling eldri borgara, Janusarverkefnið hófst. Virkilega góð þátttaka var á kynningarfundi verkefnisins og var það framar björtustu vonum hversu margir skráðu sig til þátttöku. Verkefnið hefur mikið forvarnargildi þar sem betri heilsa íbúa getur m.a. stuðlað að lengri sjálfstæðri búsetu. 

Í ljósi þess hve mikil vitundarvakning hefur orðið á heilsueflingu tók ráðið þá ákvörðun að setja upp hreystitæki við íþróttahúsið. Gert var ráð fyrir því í fjárhagsáætlun fyrir árið 2020. 

Opnunartími sundlaugarinnar breyttist einnig á árinu. Sumaropnunartíminn var lengdur til kl. 21 á kvöldin en eftir sumarið kom í ljós að ekki var sá opnunartími nýttur nógu vel. Var því ákveðið að í staðinn fyrir að sundlaugin loki kl. 17 um helgar að hafa opið til kl. 18:00 um helgar alla daga ársins. Ásamt því að ráðið lagði áherslu á að útisvæði sundlaugarinnar væri haldið opnu eins mikið og hægt er eftir veðri og vindum.  

Stofnaður var starfshópur til þess að fara yfir framtíðarskipulag og uppbyggingu íþróttamála í Vestmannaeyjum. Hópurinn hefur safnað upplýsingum frá íþróttafélögunum og vinnur enn að því að fara yfir og greina þær upplýsingar. Ráðið kemur svo til með að taka afstöðu út frá niðurstöðum hópsins. 

Á árinu var farið yfir niðurstöðu skýrslu frá Nolta sem tóku út rekstur Hraunbúða. Komu þar fram nokkrar ábendingar um reksturinn sem þegar hefur verið hafist handa í að skoða og sjá hvað við getum gert betur í rekstrinum. 

Í sumar voru vígðar nýjar þjónustuíbúðir aldraðra. Var það þörf og góð viðbót við þjónustu fyrir aldraða. 

Skipað var í hóp ungmennaráðs og samráðshóp um málefni fatlaðs fólks. 

Afar ánægjuleg breyting verður um næstu áramót en þá mun frístundastyrkur barna 2 – 18 ára hækka um 10.000 kr og mun hann því verða um 35.000 kr á barn. Kemur þetta til með að létta undir á mörgum heimilum og er þetta liður í því að koma til móts við barnafjölskyldur í Vestmannaeyjum. 

Ráðið tók ákvörðun um að fara í átak í aðgengismálum. Farið verður í það á árinu að fara yfir götukanta og gangbrautir og lagfæra það sem þarf að lagfæra ásamt því að bæta aðgengi í sundklefa í íþróttahúsinu. 

Í október fór ráðið ásamt starfsmönnum barnaverndar á námskeið fyrir fulltrúa í barnaverndarnefndum hjá Barnaverndarstofu. Á námskeiðinu var farið yfir hlutverk og ábyrgð barnaverndarnefnda skv. barnaverndarlögum og helstu úrræði stofunnar voru kynnt. Var námskeiðið afar áhugavert og fræðandi.

Það er ljóst að mikið hefur verið um að vera hjá ráðinu á árinu og er hér aðeins stiklað á stóru. Þetta ráð er þess eðlis að oft þarf að taka þungar og erfiðar ákvarðanir og skiptir því sköpum að ráðsmenn og starfsmenn ráðsins geti átt traust og faglegt samband. Vil ég því sem formaður ráðsins þakka ráðinu og starfsmönnum þess fyrir gott samstarf á árinu sem er að líða.   

Helga Jóhanna Harðardóttir

Formaður Fjölskyldu- og tómstundaráðs

Forsíðumynd á hann Halldór Ben

Share on facebook
Share on twitter
Share on linkedin
Share on google
Share on print
Árshátíð VSV aflýst, út að borða í staðinn
Lista- og menningarverkefnið 1000 Andlit Heimaeyjar í Landandum í kvöld
Mikið um lausagang sauðfés í Vestmannaeyjum
Myndaveisla í makríl og síldinni heilsað
Hin árlega sýning
Njáll og Trausti í live viðtali vegna fjölgun bæjarfulltrúa – rök með og á móti – myndbönd

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X