Sindri Snær Jónsson, frændi Viðars Togga og setti saman heimildarmynd um hann og Eyjabítlana. Myndin er um 12 mínútur og er farið yfir sögu Eyjabítlana en þeir voru stofnaðir 1986 og rætt við hljómsveitarmeðlimi. Tígull sló á þráðinn til Sindra og fékk aðeins að fræðast um þennan unga listamann.
Hver ert þú?
Ég heiti Sindri Snær Jónsson – 23 ára og fæddur 31.okt 1996.
Hvernig ertu skyldur Viðari?
Viðar er bróðir ömmu minnar, Kristbjörgu sem er í pabba ætt. Hafði
ekki hitt Viðar nema örfáum sinnum áður en ég hafði samband við hann um að gera heimildarmyndina. Ég var því mjög glaður að hann samþykkti.
Af hverju þessi heimildarmynd?
Ég er í kvikmyndatækni í Stúdíó Sýrlandi og er að byrja á lokaönn, fjórðu önn. Á þriðju önn áttu allir nemendur að gera heimildarmynd. Það er frekar fyndið en ég fékk ekki hugmyndina um að gera heimildarmynd um Viðar. Strákur í bekknum mínum rakst á Facebookið hans og fannst hann geggjaður karakter til að gera heimildarmynd
um. Þegar ég sagði honum að ég væri frændi hans sagði vinur minn, að ég YRÐI að gera mynd um hann!
Við hvað starfar þú?
Ég er búinn að starfa sem öryggis-vörður fyrir Öryggismiðstöðina í 5 ár.
Hvað varstu lengi að taka myndina og vinna?
Ég hafði aldrei farið til Eyja áður en ég tók myndina, ótrúlegt en satt. Svo ég fór heldur blint inn í þetta. Ég skaut hana um miðjan ágúst. Mætti
klukkan tíu á föstudagskvöldi til Eyja. Gisti heima hjá Viðari og var í Eyjum þar til ég tók ferjuna heim klukkan tíu á sunnudagskvöldinu. Ég hafði í raun bara tvo heila daga fyrir tökur.
Eftirvinnslan var frekar erfið þar sem ég þurfti að púsla fjórum mismunandi aðilum saman í eina
sögu og passa að fókusinn væri þó á Viðari. Klipping, hljóðvinnsla og litun á myndinni tók mig um fimm vikur.
Heyrst hefur að Eyjabítlarnir verði með tónleika upp á Háalofti þegar fer að hausta.
