Hefur marga hildi háð

Það er ekki sjálfgefið að gott fólk gefi kost á sér í sveitastjórnarmálin. Í flestum sveitafélögum er
nálægðin við náungann og viðfangsefnin mikil og því geta minniháttar mál oft orðið persónuleg og
erfið. Þá skiptir máli að hafa réttsýnt, gott og heiðarlegt fólk við stjórnvölinn. Því hef ég persónulega
kynnst að Hildur Sólveig Sigurðardóttir er búin þessum mikilvægu kostum sem hafa reynst henni vel í
störfum sínum fyrir Vestmannaeyjar.

Enn fremur er Hildur Sólveig öflug þegar kemur að hagsmunabaráttu fyrir samfélagið í
Vestmannaeyjum og hefur tekið þátt í baráttu m.a. gagnvart sýslumannsembættinu og við yfirtöku á
rekstri Herjólfs, þá hefur Hildur verið mikilvægur bandamaður í framvindu sjúkraþyrluverkefnisins. Þau
eru mörg fleiri málin þar sem hún lætur reglulega vita af sér, spyr frétta og ýtir við hlutunum víða í
stjórnkerfinu. Þar má nefna mál sem snúa að heilsugæslu, samgöngum, fjarnámi, opinberum störfum
og stofnunum og áfram mætti telja. Þetta er mikilvæg en oft vanmetin vinna sem skiptir samfélag eins
og Vestmannaeyjar máli. Það er nú einu sinni þannig að þeir eru ansi margir sem vilja ná sínum
baráttumálum í gegn og þingmenn og ráðherrar hafa takmarkaðan tíma og tækifæri til að vera með
puttana í öllum málum. Þá skiptir máli að einhver með dug og þor sé reiðubúinn að ýta málum áfram í
stjórnkerfi sem oft á tíðum er hlaðið hindrunum og krákustígum.

Hildur Sólveig hefur sýnt það í verki síðustu ár að þar fer atorkumikill leiðtogi sem brennur fyrir
hagsmuni samfélagsins í Vestmannaeyjum umfram allt annað. Ég hvet því Eyjamenn til að veita henni
brautargengi og setja Hildi Sólveigu í 1. sæti í prófkjöri Sjálfstæðisflokksins í Vestmannaeyjum sem
fram fer 26. mars.

Vilhjálmur Árnason
Alþingismaður

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search