Föstudagur 30. september 2022

Hátíðisdagur á Hraunbúðum í dag

29.12.2020

Í dag klukkan 13 var fyrsti íbúinn bólusettur við kórónuveirunni á Hjúkrunarheimilinu Hraunbúðum.
Það var Sigríður Steinsdóttir 95 ára gömul sem fékk þann heiður. Bólusetningin lagðist vel í Sissu, sagðist oft hafa fengið sprautu áður þó við öðru hafi verið og gengið vel.
Hana hlakkar mest til að verða frjálsari og að hitta fólkið sitt meira eftir að hafa fengið seinni sprautuna en 3 vikur þurfa að líða á milli bólusetninga og nokkrir dagar eftir það svo bóluefnið nái fullri virkni.
Sissa sem varð 95 ára 1.mars s.l náði að halda upp á afmælið sitt með pompi og pragt í hátíðarsal Hraunbúða með allri fjölskyldunni, rétt áður en kórónuveiran fór að hafa áhrif í samfélaginu.
Aðspurð hvort hún telji að hún geti haldið upp á 96 ára afmælið með svipuðum hætti, sagði hún alla vega alltaf tilefni til að halda upp á afmælið sitt eftir að 95 ára áfanganum sé náð. Annars sagði Sissa að henni hafi ekki dottið til hugar að bólusett yrði þetta fljótt þar sem oft tæki svo langan tíma að finna bóluefni við nýjum veirum en það sé alveg greinilegt að menn hafi tekið höndum saman til að láta þetta ganga upp. Þetta tímabil hafi verið ótrúlega fljótt að líða þegar horft sé til baka.
Elsti íbúi eyjanna Elías Gunnlaugsson 98 ára fékk síðan næstu sprautu.
Bæjarstjórinn okkar Íris Róbertsdóttir færði blómvönd í tilefni dagsins og óskaði okkur til hamingju með þennan frábæra áfanga í baráttunni við heimsfaraldurinn. Við erum svo þakklát að vera komin á þennan stað og sjá glitta í endalokin á þessum faraldri. Við ætlum að halda þetta út og klára þetta verkefni saman með áframhaldandi sóttvörnum og dansa svo inn í vorið.
Stefnan er að allt heimilisfólk á Hraunbúðum verði bólusett í dag og var að sjálfsögðu flaggað í tilefni dagsins.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is