Haframjöls- og bjórskonsur
Hráefni:
350 g hveiti
100 g fínt haframjöl
1 msk sykur
2 tsk lyftiduft
1 tsk salt
80 g kalt smjör
lítið búnt graslaukur, klippt (20 g)
100 g rifinn ostur
2 egg
2 tsk djon sinnep
200 ml bjór
Aðferð:
Stillið ofninn í 200°c. Byrjið á að vinna saman þurrefnin og kalt smjörið. Einfaldast er að skera smjörið í litla bita og mylja síðan saman við þurrefnin.
Klippið graslaukinn og setjið rifinn ostinn út í þurrefnaskálina og hrærið saman.
í annarri skál á að slá eggin sundur með gaffli og blanda sinnepi og bjór saman við áður en blöndunni er hellt út í þurrefnin.
Hnoðið deigið í stutta stund, rétt þar til deigið er kekkjallaust. Bætið við hveiti eftir þörfum.
Fletjið deigið út á hveitistráðu borði í 4 cm þykkt og stingið út með hringlara formi. Einnig má skpta deiginu í 9 hluta og mynda einskonar buff úr hverjum deighluta.
Leggið deighlutana á bökunarpappísklædda plötu og penslið með örlítilli mjólk.
Bakið við 200°c í 25-30 mínútur eða þar til skonsurnar hafa tekið fallegan lit.
