Hafið Öndvegissetur býður til málþings í sal Þekkingarseturs

17.02.2020

Hafið Öndvegissetur býður til málþings í sal Þekkingarseturs Vestmannaeyja 18. febrúar 11:45-13:30.

Markmið viðburðarins er að auka umræðu meðal annars um vistvænt eldsneyti og olíusparnað í sjávarútvegi og haftengdri starfsemi, þar með talið vinnslu og útgerð hvers kyns skipa. Fjölmargir koma að þessari þróun: fyrirtæki sem koma að sjávarútvegi, olíudreifingu, vöruflutningum, orku- og dreifiveitur, o.s.frv. Þá eru hafnir í auknum mæli orðnar miðstöðvar menningar og ferðamennsku og mun fleiri vegfarendur eiga leið um athafnasvæði hafna en fyrir aldamót.

Ný Vestmannaeyjaferja mun lyfta grettistaki í nýtingu vistvæns eldsneytis á sjó og skapa dýrmæta þekkingu hér á landi. Vonast er til að hún, ásamt rafvæddum bátum Norðursiglingar, verði öðrum hvatning til áframhaldandi þróunar á vistvænum lausnum fyrir haftengda starfsemi.

Málþingið byggir á niðurstöðum vinnu við Vegvísi Hafsins um vistvænan sjávarútveg og haftengda starfsemi á Íslandi og tengdum þáttum í Aðgerðaáætlun í loftslagsmálum 2018-2030.

Niðurstöður úr umræðum í málþingaröð Hafsins verða kynntar á ráðstefnunni Making Marine Applications Greener í Reykjavík í september 2020.

Dagskrá verður eftirfarandi:

Erindi
Sigurgeir Brynjar Kristgeirsson, Vinnslustöðinni
Anna Margrét Kornelíusdóttir, Hafinu Öndvegissetri
Guðbjartur Ellert Jónsson, Herjólfi

Pallborðsumræður
Guðbjartur Ellert Jónsson – Herjólfi
Hjörtur Emilsson – Navis
Íris Róbertsdóttir – Vestmannaeyjabæ
Ólafur Snorrason – Vestmannaeyjahöfn
Sigurgeir Brynjar Kristgeirsson – Vinnslustöðinni

Fundarstjóri Sigríður Ragna Sverrisdóttir, f.h. stjórnar Hafsins Öndvegisseturs

Boðið verður upp á veitingar áður en dagskrá hefst og fundurinn er öllum opinn á meðan húsrúm leyfir.

Share on facebook
Share on twitter
Share on linkedin
Share on google
Share on pinterest
Senda bréf til pabba í staðin fyrir að bjóða í kaffi í ár
Flottir krakkar í 10.bekk í fjórða sinn með gangbrautavörslu
Sjósund í Höfðavík í dag – myndir og myndband
Gleðilegt ár frá Landakirkju
Yndisleg helgistund frá Landakirkju
Jólaminning – skemmtilegar heimildir frá því að fyrsta jólatréið var sett upp

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:
  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is