Hafa þróað munn- og nefúða gegn COVID-19 | Tígull.is - Fréttir og viðburðir í Vestmannaeyjum
Kór­ónu­veir­an lít­ur svona út. AFP

Hafa þróað munn- og nefúða gegn COVID-19

15.01.2020

Fyrirtækið Kerecis hefur þróað nef- og munnúða gegn COVID-19. Hann á að nýtast sem hluti af persónulegum sóttvörnum en rannsóknir sýna að hann eyði 99,97 prósentum veirunnar.

Varan byggist á tækni sem kallast Viruxal og hefur hingað til nýst í sáraúða sem Kerecis framleiðir. Hann er notaður á sjúkrastofnunum til þess að græða sár og koma í veg fyrir sýkingar. Þegar neyðarástand skapaðist á Ítalíu vegna COVID-19 í vor brugðu læknar á það ráð að nota sáraúðann á háls og munn sjúklinga sem höfðu byrjunareinkenni sjúkdómsins. Það reyndist vel.

„Hugmyndin er að ef maður vill aukavörn, ef maður er að fara út að borða, í rútu eða flugvél. Þá geti maður úðað þessu í nef eða munn og myndað aukavörn,“ segir Guðmundur Fertram Sigurjónsson, forstjóri Kerecis.

Munn- og nefúðinn fer nú í sölu í apótekum hér á landi. Stefnt er á alþjóðlegan markað á næstu mánuðum.

Úðinn á að nýtast sem fyrirbyggjandi vörn gegn COVID-19. Þótt hann sé notaður þýðir það ekki að sleppa megi öðrum persónulegum sóttvörnum eins og til dæmis handþvotti, spritti og grímunotkun.

Kerecis vísar til þess að ritrýndar vísindagreinar hafi leitt í ljós að fólk sýkist aðallega af veirunni í gegnum nefhol. Hún taki sér bólfestu í slímhúð nefholsins og geti þar magnast og dreifst. Úðinn eigi að afmynda veiruna og eyðileggja hana áður en það gerist.

„Þetta eru fitusýrur sem leysa upp vírusinn, eða fitulagið á vírusnum. Alveg eins og handsápan gerir á höndunum okkar, þá myndar þetta varnarlag í vitunum á okkur sem leysir upp vírusinn þegar maður andar honum að sér.“

Rannsóknir á úðanum hjá Utah State University hafa lofað góðu. Þar eyddust 99,97 prósent veirunnar þegar henni var blandað saman við úðann í tilraunaglösum. Rannsóknir á fólki standa nú yfir, meðal annars á Landspítalanum í umsjón COVID-göngudeildarinnar.

Frétt er frá Rúv.is

Share on facebook
Share on twitter
Share on linkedin
Share on google
Share on print
Ör hugvekja á sunnudegi – séra Guðmundur Örn með hlý orð
Sólakrílin syngja og dansa sig inn í helgarfríið
Fimm litlum pysjum sleppt í gær í lok tímabils
Rafstöð og ljósabúnaður fyrir hindranaljós á Heimaklett kemur vel út á klettinum
Starfsemi og helgihald Landakirkju
Lagfæringar á gönguleið í Dalfjalli

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X