Það var glatt á hjalla þegar blaðamaður Tíguls kíkti við í Skipalyftuna síðasta miðvikudag
Þar var að finna hóp manna sem hafa hist reglulega á morgnana í yfir tuttugu ár en þeir eiga það allir sameiginlegt að hafa fæðst og vera uppaldir í Vestmannaeyjum en hafa flutt í höfuðborgina í seinni tíð.
Þeir taka alltaf saman göngu í Fífunni fyrst á morgnana, fara svo í kaffisopa og með því í Reynisbakarí á Dalvegi í Kópavogi. En þeir byrjuðu á þessum hitting á sprautuverkstæði inn í Hafnarfirði hjá Hilmir Þorvarðarsyni heitnum.
Eftir hans dag fluttu þeir sig í Reynisbakarí. Tóti og Stebbi tóku vel á móti félögum sínum með hádegismat í Skipalyftunni, Íris bæjarstjóri hitti á peyjana og fór yfir það helsta í bæjarmálunum. Svo var Tóti búin að skipuleggja allan daginn og var farið um allan bæinn og rifjuð upp gömul prakkarastrik.







