Hægeldað lambalæri í smjöri með hvítlauk, kryddjurtum og kryddjurta-béarnaise sósu
hráefni:
1 lambalæri, helst án lykilbeins
500 g smjör
6 tímíangreinar
6 rósmaríngreinar
5 hvítlauksgeirar, gróft saxaðir
1 ½ tsk nýmalaður pipar
1 stór poki með rennilás (zip lock)
2 tsk salt
Aðferð:
Setjið allt nema salt í pokann og lokið vel fyrir.
Leggið pokann í steikingarpott og hellið volgu vatni yfir þannig að fljóti yfir lærið.
Setjið lokið á og bakið í 67°C heitum ofni í 18 klst.
Sigtið þá vökvann úr pokanum í pott. Hitið ofninn í 190°C.
Setjið lærið í ofnskúffu og saltið.
Bakið lærið í 10-15 mín. eða þar til það er fallega brúnað.
Berið fram með kryddjurta-béarnaisesósunni og t.d. bökuðu grænmeti og kartöflum.
Kryddjurta béarnaisesósa:
hráefni:
5 eggjarauður
smjörið úr pokanum
1-2 msk. béarnaise-essense
salt
nýmalaður pipar
Aðferð:
Hitið smjörið í 60°C. Setjið eggja-rauður í stálskál og þeytið yfir volgu vatnsbaði í 4-6 mín. eða þar til rauðurnar eru orðnar ljósar og loftmiklar. Hellið þá smjörinu í mjórri bunu í skálina og þeytið vel í á meðan. Bragðbætið með Béarnaise-essense, salti og pipar.
Ofnsteiktir kartöflubátar
Hráefni:
6-800 g kartöflur, mjöllitlar, t.d. Gullauga – helst frekar stórar
2 msk ólífuolía
0.5 tsk nýmalaður pipar
0.5 tsk salt, eða eftir smekk
0.25 tsk oregano
Aðferð:
Ofninn hitaður í 225 gráður. Kartöflurnar þvegnar og þerraðar vel og síðan skornar í fjórðunga (eftir endilöngu ef þær eru aflangar) og hver fjórðungur aftur í sundur í miðju, nema kartöflurnar séu þeim mun minni. Olían sett í skál, kryddinu hrært saman við, og síðan eru kartöflubátarnir settir út í og velt vel upp úr blöndunni. Bökunarpappír breiddur í ofnskúffu eða á bökunarplötu og kartöflubátunum raðað á hana þannig að hýðið snúi niður. Ef einhver olía verður eftir í skálinni er henni dreypt yfir. Sett í ofninn og bakað í 20-30 mínútur, eða þar til kartöflurnar hafa tekið góðan lit og eru meyrar í gegn.
