Guð­rún Árný ætlar að fylla Herjólfs­dal með partí­söng

Þetta er geggjað. Ég er mjög spennt fyrir þessu og mér líður eins og ég sé komin á þann stað sem ég vil vera á. Mig er búið að langa svo að geta gert þetta,“ segir söng­konan Guð­rún Árný, sem ætlar að leiða fjölda­söng, eins og henni einni er lagið, af stóra sviðinu á Þjóð­há­tíð í Eyjum.

„Þetta er ekki Brekku­söngurinn,“ heldur Guð­rún Árný á­fram og bætir við að hún hafi fengið sér­stakt pláss í há­tíðar­dag­skránni. „Ég verð á föstu­dags­kvöldinu á besta tíma, frá hálf ellefu til ellefu, þegar allir eru í stuði. Ég er svo spennt að ég er bara að bilast. Ég er ekki búin að mega segja frá þessu svo lengi að loksins get ég farið að tjá mig um þetta.“