Guðjón Pétur Lýðsson, leikmaður ÍBV í knattspyrnu senti frá sér yfirlýsingu í dag þar sem hann biðst afsökunar á framkomu sinni í leik gegn ÍA á Hásteinsvelli fyrir skömmu:
Kæru stuðningsmenn og allir tengdir ÍBV.
Mig langar að biðja alla afsökunar á hegðun minni í leik gegn ÍA fyrir rúmri viku þar sem ég fór yfir strikið og lét kappið bera mig ofurliði. Eftir erfiða byrjun á mótinu og miklar væntingar hjá okkur sjálfum hefur verið mikil pressa og neikvæðni bæði frá fjölmiðlum og mögulega manni sjálfum og kannski er það ekki óeðlilegt í kringum lið sem byrjar ekki vel. Ég persónulega hef verið svekktur með byrjunina hjá mér sjálfum og mun snúa því við í næstu leikjum. Ég ætla að gefa allt mitt til að hjálpa meðspilurum , þjálfurum og öllum tengdum ÍBV að breyta þessu gengi í betri átt og byrja að ná í úrslit og gleðja ykkur það sem eftir lifir tímabils og hafa jákvæðnina á lofti.
Erum með frábæra karaktera og viljuga menn sem elska þetta félag og munu gera allt til að snúa þessu við. Það er nefnilega eitt með þennan hóp og það er það sem skein í gegn í fyrra og það er liðsheild og stemning nú er bara að ná í sömu orku og keyra saman á þetta íslandsmót þetta er fljôtt að breytast og mun allt teymið kringum liðið og leikmenn leggja allt sitt í orristuna framundan. Því það er ekki nóg að vera með í þessarri deild heldur viljum við komast á þann stað að keppa á efri hlutanum í bestu deildinni.
Vil einnig hvetja alla sem vettlinga geti valdið að styðja við bakið á liðinu enda ótrúlega mikilvægur tímapunktur og væri gaman að fá frábæra mætingu á völlinn það sem eftir lifir móts.
Með vinsemd og virðingu áfram ÍBV
