- Bæjarfjölmiðillinn í Vestmanneyjum -

Guðbjörg Guðmannsdóttir

Nafn & fjölskylda: Guðbjörg, Óskar, Kristín Klara, Jósúa Steinar og Nóel Gauti

Hvaða hefðir tíðkast í fjölskyldunni í kringum jólin?

Við reynum að skapa sem flestar gæðastundir með börnunum og fjölskyldum okkar. Það er hið hefðbundna og skemmtilega sem er alltaf í desember eins og piparkökuskreytingar, laufabrauð, jólabíó, spilakvöld, jólaljósa-ísbíltúr og jólabakstur. Við systur förum líka alltaf saman að sjá kór Landakirkju á jólatónleikunum þar sem mamma er að syngja með kórnum. 

Við erum alltaf heima hjá okkur á aðfangadag og fáum við annað hvort mömmu mína og ömmu í mat eða tengdó. Jólasteikin er kalkúnn en hann er í miklu uppáhaldi hjá öllum. Aðfangadagur hefst að sjálfsögðu í náttfatakósý og í hádeginu borðum við jólagraut með systur minni og fjölskyldu. Svo er farið í göngu upp á Helgafell, sem er orðin 25 ára gömul hefð, sem endar í kirkjugarðinum á helgistund. Milli jóla og nýárs stendur Óskar í ströngu ásamt Gumma fósturbróður sínum að gera fjölskyldu áramótaskaup sem Gummi hefur séð til þess að það sé gert í ár í 13. skiptið.

Hvenær byrjið þið að setja upp jólaljós?

Við erum alltaf að byrja fyrr að setja upp ljós. Það kemur oft upp púki í mig snemma í nóvember að fara finna til og setja upp og svo held ég að þetta Covid ástand ýti enn meira undir að mann langi til að skreyta fyrr og fara í kósýgírinn.  En svona um miðjan nóvember þá eru alltaf einhver ljós komin upp.

Hvenær er jólatréð skreytt?

Skreytinganefndin ákvað að þessu sinni að setja upp jólatréð snemma í ár og var það skreytt þann 3. desember, annars höfum við yfirleitt skreytt það í kringum 15.-20.des. Við vorum mjög ánægð fjölskyldan að gera þetta svona snemma og held að þetta verði ný hefð héðan af.

Er mikill munur á hefðum núna og þegar þú varst lítil og hvað þá helst?

Hlutirnir voru kannski meira fastir í skorðum líkt og með að skreyta jólatréð þá var það alltaf gert á þorláksmessukvöldi þar sem við systurnar kepptust við að koma því í heilu lagi upp. Í dag eru hefðirnar kannski meira orðnar hvað passar hverju sinni án þess þó að hefðirnar tapist ekki. Ætli við séum ekki orðin víðsýnari og betri við okkur að láta ekki hefðirnar stjórna okkur of mikið.

Er eitthvað sem má alls ekki sleppa í kringum jólahátíðina?

Það má ekki gleyma að njóta og skapa sem flestar minningar með fólkinu okkar. Desember er dásamlegur mánuður og við reynum að vera dugleg að nýta tækifærin þegar þau gefast.  Allt gert í fínu jafnvægi að hitta sem flesta og líka að slaka á og njóta.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is