Grilluð nautalund
• 800 g nautalund • ólífuolía
• salt og pipar • steinselja
Skerið nautalundina í jafn stóra bita, ca. 200 – 250 g á mann. Veltið kjötinu upp úr ólífuolíu, salti, pipar og smátt saxaðari steinselju. Grillið kjötið í ca. 4 mínútur á hvorri hlið en steikingartíminn fer vissulega eftir smekk. Leyfið kjötinu að hvíla í nokkrar mínútur áður en þið berið það fram.
Sveppasósa
• 10 sveppir • Smjör • ½ villisveppaostur
• 250 ml rjómi • ½ – 1 teningur nautakraftur
salt og pipar
Skerið sveppi og steikið upp úr smjöri, kryddið til með salti og pipar. Hellið rjómanum saman við ásamt smátt skornum villisveppaosti, lækkið hitann og leyfið ostinum að bráðna í rólegheitum í rjómanum á meðan þið hrærið í. Bætið nautakraftstening út í og kryddið eftir smekk með salti og pipar. Þegar sósan er orðin þykk er hún tilbúin og er bæði hægt að bera hana fram heita og kalda.
Ljúffengt kartöflusalat – fullkomið með grillmat
• 20 stk soðnar kartöflur • 2 dl majónes – eða meira, fer eftir smekk • 1 msk franskt sinnep • 1 laukur
• 2 soðin egg • ½ msk steinselja • ½ msk graslaukur
• 1 tsk hunang • 1 tsk sítrónupipar • Salt, eftir smekk
Skerið forsoðnar kartöflur í bita, skerið eggin smátt og saxið lauk afar fínt. Bætið öllum hráefnum saman í skál og hrærið varlega, saxið niður ferska steinselja og graslauk og bætið við í lokin. Best er að kæla salatið í ca. 30 mínútur í kæli áður en það er borið fram.
Uppskrift og myndir fengin að láni
frá Evu Laufey Kjaran – evalaufeykjaran.is
