Grease-æði í Eyjum frestað um ár

Grease tónleikaveisla var fyrirhuguð á goslokahátíðinni í Eyjum 2. júlí í ár

Eftir mikla yfirlegu, ráðgjöf frá sóttvarnayfirvöldum og í samstarfi við Goslokanefnd og aðra hagsmunaaðila sem koma að tónleikunum, hefur verið ákveðið að fresta þeim um eitt ár og halda þá á goslokahátíðinni 2022, föstudaginn 1. júlí.

Ákvörðunin er tekin vegna óvissu um samkomutakmarkanir í byrjun júlí í ár, en stórt verkefni líkt og tónleikarnir eru þurfa ákveðinn fjölda gesta til að bera sig. Einnig koma um 40 manns að tónleikunum sjálfum með einum eða öðrum hætti. Okkur finnst það einnig siðferðisleg skylda okkar að sýna ábyrgð í heimsfaraldrinum og því frábæra starfi sem unnið hefur verið um allt land til að sporna við útbreiðslu kórónuveirunnar.

Miðar sem keyptir hafa verið gilda sjálfkrafa áfram á nýrri dagsetningu og miðaeigendur sem kjósa það þurfi ekkert að aðhafast frekar. Miðaeigendur geta einnig óskað eftir að færa miða sína til laugardagsins 23. október 2021, en þá verður Grease sett upp í Laugardalshöll í Reykjavík og þeir sem kjósa það eru beðnir um að senda tölvupóst á info@tix.is.

Við hjá Nordic Live Event´s værum ótrúlega þakklát ef miðaeigendur væru til í að halda í miða sína og styðja þar með við viðburðahald á Íslandi sem hefur átt undir högg að sækja í heimsfaraldri. Ef ný dagsetning, föstudagurinn 1. júlí 2022, hentar alls ekki geta miðaeigendur óskað eftir endurgreiðslu með því að senda tölvupóst á info@tix.is innan 14 daga frá og með deginum í dag, það er í síðasta lagi þriðjudaginn 25. maí.

Athugið að ef greitt var með greiðsluappi (Aur, Kass eða Síminn Pay) eða með ferðagjöf stjórnvalda þarf að senda reikningsupplýsingar með.

Share on facebook
Share on twitter
Share on linkedin
Share on google
Share on pinterest

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:
  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is