Gratineraður fiskur á hrísgrjónabeði

Ofnbakaður fiskur

Hráefni:

hrísgrjón 1,5 bolli soðinn hrísgrjón

Þorskur eða ýsa (ca. 1 kg)

Krydd að eigin vali

2,5 dl rjómi

3 msk majónes

2 tsk dijon sinnep

2 tsk karrý

50-100g ferskrifinn parmesan

rauð paprika

1/2 blaðlaukur

200g rifinn ostur

Aðferð:

Hitið ofninn í 180°. Sjóðið hrísgrjón og leggið í botninn á eldföstu móti. Skerið fiskinn í sneiðar, leggið yfir hrísgrjónin og kryddið með salti, pipar og því sem þykir gott,  Hrærið saman rjóma, majónesi, sinnepi, karrý og parmesan. Saltið og piprið. Hellið sósunni yfir fiskinn og stráið fínskorinni papriku og blaðlauk yfir. Setjið að lokum rifinn ost yfir og bakið í ofni í ca. 30 mínútur.

Gott er að hafa rúgbrauð og salat með.

Skyr-eft­ir­rétt­ur

Hráefni:

1-2 sneiðar rúg­brauð

4 hafra­kex

1 msk smjör

Blandið þessu sam­an í mat­vinnslu­vél og ristið í ofni þar til þetta er orðið að stökkri mylsnu.

100g mascarpo­ne

150g skyr

1 tsk vanillu­duft

1-2 msk flór­syk­ur

60g 65% dökkt súkkulaði

60-70g þeytt­ur rjómi

sulta að eig­in vali eða fersk ber

Aðferð:

Blandið sam­an helm­ingi af mascarpo­ne og helm­ingi af skyr­inu. Setjið út í smá af vanillu­dufti og helm­ing af flór­sykri. Bræðið súkkulaði og blandið sam­an við. Takið rest­ina af skyri, mascarpo­ne, vanillu­dufti og flór­sykri og blandið við þeytt­an rjóma.

Leggið í skál­ar í lög­um; neðst er rúg­brauðsmylsna, þá súkkulaðiskyrið, sulta, hvítt skyr, sulta (eða fersk ber) og toppið að lok­um með meiri mylsnu.