GOTT opnar á ný

Veitingastaðurinn GOTT opnaði á ný á fimmtudaginn síðstliðin, en þar hefur verið lokað í janúar vegna covid ástandsins í samfélaginu

„Til að byrja með verður opið fimmtudaga, föstudaga og laugardaga frá klukkan 17:30. Starfsfólkið okkar er að koma úr fríi og byrjum við því á þessum dögum og munum svo fljótlega bæta í“, sagði Berglind Sigmarsdóttir í viðtali við Tígul.

 

Verðið þið með eitthvað nýtt í boði?

Já, við komum alltaf með eitthvað nýtt í bland við það vinsælasta. Taco-ið hefur verið vinsælt, komum til með að auka úrvalið í því, nýjan pastarétt, nýtt geitaostasalat og fleira spennandi.

Hvaða breytingar eru á veitingastaðnum?  

Miklar framkvæmdir hafa staðið yfir, uppvaskið var fært til, því fylgir mikið rask, hvað varðar skipulag, rafmagn og pípulagnir. Við erum alltaf að bæta vinnuaðstöðu og skipulag svo að allt gangi sem best fyrir sig, það er gríðarlega mikilvægt sérstaklega þegar mikið er að gera. Í salnum er verið að bæta við nýjum bás sem hefur fengið nafnið mafíubásinn. Þá er átt við vinamafíuna, fjölskyldumafíuna, vinnumafíuna eða hvað sem er, borð með bekkjum sem tekur 8-10 manns í sæti. Mér finnst líklegt að það verði vinsælasta borðið í húsinu. Það eru komnar gardínurnar í efri salinn til að auka hlýleika og það hjálpar til við að bæta enn fremur hljóðvist, bæta við stólum og ýmislegt til þess að gera staðinn betri. Þegar veðrið verður betra skiptum við um bárujárnið að utan, þak og fleira, ásamt nágrönnum okkar í húsinu og það er spennandi. Húsið mun halda sínum gula lit og vera sólin í miðbænum. GOTT er alltaf að tæknivæðast, nú getur fólk pantað strax drykk þegar það sest með QR-kóða sem er á borðinu, ef það er rosa þyrst áður en þjónninn kemur eða vill strax fá annað rauðvín með steikinni sinni o.s.frv. Þetta hækkar þjónustustigið enn frekar. Það eru fleiri breytingar og nýungar framundan sem við kynnum þegar þar að kemur. 

Hvernig leggst árið í ykkur með tilliti til ferðamanna og veitingastaðarins?

Vel, í eðli okkar erum við alltaf bjartsýn og horfum alltaf jákvæð inn í framtíðina. Að Vestmannaeyjar hafi verið tilnefnd sem besti mataráfangastaður norðurlanda hjá Emblu awards segir margt um þá stöðu sem er hér hvað varðar veitingastaði, hráefni og þjónustu sem er í boði. Eigum við ekki að vona að þessi veira láti okkur í friði og við fáum að klára ferðasumarið en hún klippi ekki á það í byrjun ágúst, líkt og undanfarin tvö ár. Það skiptir okkur miklu að hafa ágúst mánuð inni. Ferðamálasamtökin ásamt Vestmannaeyjabæ eru á ákveðinni vegferð í að auglýsa Vestmannaeyjar sem hefur skipt miklu máli og heldur áfram. Það er mikil spenna fyrir þessu ferðaári.

 

Það er að fara leikur í gang á samfélagsmiðlum okkar þar sem gestir geta átt möguleika á að fá frítt í mat og drykk í nýja mafíubásnum okkar. Endilega takið þátt.  

Að lokum vil ég minna fólk á að einfalt er að panta borð hjá okkur á gott.is 

 

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search