Góður fundur í Eyjum er veganesti inn í komandi þingvetur

Seinustu helgi varð ég þeirrar ánægju aðnjótandi að heimsækja Vestmannaeyjar ásamt forystu flokksins og stórum hluta þingflokksins. Þar funduðum við með því öfluga baklandi sem Sjálfstæðisflokkurinn á í Eyjum. Það var uppbyggjandi að upplifa þá bjartsýni sem ríkir meðal ykkar og þá ekki síður að sjá með eigin augum það stórvirki sem er að eiga sér stað í landeldi á nýja hrauninu, uppbygginguna í ferðaþjónustunni, sóknina í sjávarútveginum og svo margt annað sem tryggja mun velferð ykkar Eyjamanna til lengri og skemmri tíma.

Við þingflokkur Sjálfstæðiflokksins tókum sannarlega með okkur þær brýningar sem fram komu á góðum fundi. Við heyrðum ákallið um einföldun reglukerfis, traustar samgöngur, yfirvegun í málefnum umsækjenda um alþjóðlega vernd, aðhald í ríkisfjármálum, sanngirni í heilbrigðisþjónustu á landsbyggðinni og svo margt annað sem fram kom í samtölum okkar.

Nú er þing að hefjast eftir sumarleyfi. Þessi vetur mun verða krefjandi og engum dylst að reyna mun á samstarfið, bæði innan ríkisstjórnar og við flokka í stjórnarandstöðu. Verkefnin eru mörg og aðkallandi. Við þingmenn Sjálfstæðisflokksins höfum undirbúið okkur fyrir þetta með því að heimsækja kjósendur um allt land og funda með baklandinu. Af þeim fundum kemur veganesti okkar.

Hafið þakkir fyrir góðar móttökur og gott samtal.

Hildur Sverrisdóttir
Þingflokksformaður Sjálfstæðisflokksins

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search