Hann Tryggvi hjá eyjar.net hefur grúskað vel í veðurspánni yfir hátíðarnar og hún lítur vel út að hans sögn, við fögnum þessum fréttum vel því jú það skiptir okkur mjög miklu máli að allir komist til sinna nánustu yfir hátíðarnar á sem þægilegastan hátt.
Tryggvi skirfa:
Það stefnir í að þeir sem þurfa að ferðast með Herjólfi til og frá Eyjum fyrir jólin, njóti Landeyjahafnarsiglinga. Veðurspáin fyrir næstu daga er góð og ölduspáin gerir ráð fyrir 1 metra ölduhæð fram á annan í jólum.
Þá má geta þess að dýpið í og við Landeyjahöfn hefur sjálfsagt aldrei verið jafn gott á þessum árstíma og það er nú.
Spáð er 3-7 hita í Eyjum næstu daga, og eftir helgi á að vera hæg breytileg átt. Ekki er gert ráð fyrir snjókomu og má því búast við rauðum jólum þetta árið í Eyjum.
Forsíðumynd á Jói Myndó
