Síðastliðið sumar tók Vestmannaeyjabær í notkun 5 þjónustuíbúðir fyrir eldri borgara í Eyjahrauni 1, í dag voru íbúðirnar formlega vígða með smá athöfn.
Þetta fyrirkomulag á búsetuformi hefur ekki áður verið hjá Vestmannaeyjabæ, svo þetta er allt saman í þróun. Með tímanum verða teknar inn fleiri íbúðir í þetta þjónustufyrirkomulag, þar af verður ein íbúð tekin til notkunar fyrri hluta næsta árs segir Íris Róbersdóttir.
Þjónustuíbúðirnar eru hugsaðar sem millistig á milli þess að einstaklingar treysta sér ekki til að búa lengur heima en eru ekki orðnir í brýnni þörf fyrir hjúkrunarrými. Millistig sem vantaði inní þjónustuna hjá okkur hér í Vestmannaeyjum.
Setustofan var „mubluð“ fyrir nafnlaust gjafafé og aðstoðaði Sara Dögg Guðjónsdóttir við val á innanstokksmunum.
Til gaman má get þess að í vígslunni voru tvö afmælisbörn, V. Ágústa 82 ára og Helga Jóhanna 35 ára.
Sólrún Gunnarsdóttir deildarstjóri í öldrunarmálum og Helga Jóhanna Harðardóttir formaður fjölskyldu- og tómstundaráðs afhentu nýjum íbúunum blóm frá Vestmanneyjabæ.
Innifalið í þjónustupakka tengdum íbúðunum er eftirfarandi sem íbúar greiða fyrir:
Öryggiskerfi með möguleikum á fullkomnum skynjurum ofl, þjónusta t.d. þvottar og þrif, innlit og eftirlit, sami starfsmaður í húsi fyrir hádegi alla virka daga, innlit seinni part. Fylgd með einstaklingi yfir á Hraunbúðir og tilbaka ef þörf er á. Möguleiki á dagþjónustu alla virka daga á Hraunbúðum s.s tómstundastarf, leikfimi. Matur alla virka daga val um að borða á Hraunbúðum eða fá sendan mat heim. Heimsendur matur um helgar.
Þórunn,Jörgen og Sigmar Þröstur
Tígull fékk að kikja í heimsókn til hans Jörgens, þetta eru alveg ljómandi fallegar íbúðir
