Krabbavörn í Vestmannaeyjum hélt Bleikt boð síðastliðinn fimmtudag á Einsa Kalda. Kvöldið var einstaklega vel heppnað og glæsilegt.
Matur frá Einsa Kalda í ítölsku þema, happadrætti var í gangi allan viðburðinn og flottir vinningar í boði.
En allur ágóði rann til Krabbavarnar. Helga og Arnór sungu nokkur lög fyrir gesti kvöldsins einnig voru það Birgir Nielsen og Kolbrún sem fluttu lagið Esjan eftir Bríet.
Planið er að þetta verði árlegur viðburður en uppselt var á kvöldið.
Stjórn Krabbavarnar vildu koma eftirfarandi skilaboðum á framfæri:
Þakklæti er okkur efst í huga vegna frábærra undirtekta á bleika kvöldinu, eftirspurn fór langt framúr væntingum, Stjórn Krabbavarnar þakkar öllum okkar frábæra fólki, velunnurum og styrkjendum fyrir ómetanlegan stuðning. Til hamingju öll sömul…. sjáumst að ári í Höllinni.
