Gíslína Dögg Bjarkadóttir listakona var með bleik grafík verk í tilefni af bleika október til sölu. Hún var með 20 eintök til sölu og fór hluti söluverðsins til Krabbavarnar í Vestmannaeyjum. Myndirnar seldust allar upp og afhendi Gíslína stjórn Krabbavarnar 100.000 krónur í gærdag.
„Þetta gekk mjög vel og seldust myndirnar upp á skömmum tíma. Ég var komin með biðlista ef að einhver myndi hætta við að kaupa, segir Gíslína“. En hún stefnir á að endurtaka þetta að ári þar sem viðtökurnar voru svona góðar.
Um verkin
Gíslína seldi grafíkverk sem er unnið með tveimur photopolymer plötum. Hún notaðist við 2 liti, velvet black með smá gylltu í til að fá mjúkan brúnsanseraða lit og antík bleikan. Allar myndirnar voru afhendar innrammaðar og með gleri með glampavörn og 70% UV vörn. Stærð myndarinnar er 15×15 cm en með rammanum 31×31 cm.
Gíslína afhendir hér Siggu Stínu formanni Krabbavarnar gjöfina.
Stjórn Krabbavarnar í Vestmannaeyjum. Frá vinstri: Ingibjörg Andrea Brynjarsdóttir, Margrét Þóra Guðmundsdóttir, Olga Sædís Bjarnadóttir, Kristín Valtýsdóttir, Kolbrún Anna Rúnarsdóttir og Sigurbjörg Kristín Óskarsdóttir.
