31.12.2020
Nokkuð er síðan að formlegri starfsemi Alþýðuflokksfélags Vestmannaeyja lauk og sama má segja um Brautina, blaðaútgáfu sem félagið rak og gaf út á sínum tíma.
Á vef Landsbókasafns Íslands, timarit.is, kom í ljós að Brautin var eitt bæjarblaða sem ekki var skannað inn á vefinn. Samkomulag var gert við Safnahús Vestmannaeyja að skanna alla árganga og tölublöð Brautarinnar gegn greiðslu. Okkur Alþýðuflokksfélögum er sönn ánægja að vita að líklega er Brautin eina blaðið sem ekki er sett á vefinn á kostnað skattgreiðenda.
Á árinu var Brautin, blaðaútgáfa formlega lögð niður með afskráningu á kennitölu.
Frá starfseminni lágu fyrir fjármunir, sem gamlir Alþýðuflokksfélagar í Vestmannaeyjum, Kratar, ákváðu að ráðstafa innanbæjar til góðra mála.
Að höfðu samráði við forstöðumann og hjúkrunarforstjóra Hraunbúða og í ljósi Covid voru afhentar tvær súrefnisvélar til starfsemi Hraunbúða, sem og er úðavél í pöntun.
Í dag, gamlársdag var, Hollvinasamtökum Hraunbúða, afhent peningagjöf að upphæð 900 þúsund krónur. Að greiddum kostnaði við úðavél verður eftirstöðvum fjármuna einnig færðir Hollvinasamtökunum að gjöf.
Samtals hafa því tæplega 1,3 milljón kr. verið veitt til tækjakaupa á Hraunbúðum og peningagjöf til Hollvinasamtaka Hraunbúða.
Bestu hátíðarkveðjur, gamlir Alþýðuflokksfélagar í Vestmannaeyjum.
