Karlalið ÍBV í handbolta tekur á móti Selfossi í sínum fyrsta heimaleik á tímabilinu í dag. Leikurinn fer fram í Íþróttamiðstöð Vestmannaeyja og hefst klukkan 18:00.
Bæði lið freista þess að ná í sín fyrstu stig í Olísdeildinni. ÍBV laut í lægra haldi fyrir Haukum, 38:29, á útivelli í fyrstu umferð og er í 11. sæti deildarinnar. Selfoss situr í áttunda sæti eftir 34:30 tap gegn Val á heimavelli.
Alls fara þrír leikir fram í annarri umferð deildarinnar í dag. Auk leiks ÍBV og Selfoss tekur Þór á móti HK á Akureyri klukkan 19:00 og Afturelding fær FH í heimsókn klukkan 20:15.
