„Fyrsta pysjan fannst í nótt við Kertaverksmiðjuna. Það var Halla Kristín Kristinsdóttir sem fann pysjuna og lét okkur vita. Á myndinni er Jóna Hjördís með pysjunni.“ Þetta kemur fram á Facebook síðu Pysjueftirlitsins.
„Nú hefur verið opnað fyrir skráningu pysja á lundi.is. Endilega skráið pysjurnar ykkar þar, hvort sem þær eru viktaðar eða ekki.“
Það er því ekki vitlaust að rifja upp pysjuleitartaktana en ný verið gaf Pysjueftirlitið út myndband og má sjá það hér að neðan. Þar sem farið er yfir helstu atriði sem hafa ber í huga við pysjubjörgun. Það er sérstaklega gert með börn í huga.
Fyrir heimamenn er líklega flest sem þarna kemur fram mjög kunnuglegt enda alvanir pysjubjörgun. Gott er þó fyrir ungt og efnilegt björgunarfólk að kynna sér málin.
Þeir sem koma til Eyja að taka þátt í pysjubjörgun í fyrsta sinn þurfa oft á tíðum að fá leiðbeiningar um hvernig best er að bera sig að og þá ætti myndbandið að koma að góðum notum. Vestmannaeyjabær veitti styrk til verkefnisins úr “Viltu hafa áhrif” og kunnum við þeim bestu þakkir fyrir.
