Fyrir Afa – nýtt smásagnasafn væntanlegt í haust

Nú í haust kemur út bókin „Fyrir Afa, nokkrar smásögur“ Höfundur er Sigurgeir Jónsson og er þetta 14. bókin sem kemur út eftir hann. Nokkrar þessara smásagna gerast í Vestmannaeyjum en þær eiga sér ýmsa ferla, allt aftur til ársins 1970 þegar sú fyrsta var skrifuð.
Um myndlýsingu í bókinni sér sonardóttir Sigurgeirs, Katrín Hersisdóttir, sem er að ljúka námi við Listaskólann í Kolding í Danmörku í samskiptahönnun. Sigurgeir segir að hún hafi hreinlega heimtað að fá að myndlýsa bókina og lokaverkefnið hennar (bachelor verkefni) við skólann er einmitt myndirnar sem birtast í bókinni. Hún gaf því verkefni nafnið „Fyrir Afa“ og útgefandi bókarinnar, Guðjón Ingi í Bókaútgáfunni Hólum, var svo hrifinn af því nafni að hann vildi endilega að bókin bæri þetta nafn: „Fyrir Afa, nokkrar smásögur“.

Sigurgeir hefur fengið nokkra aðila í Vestmannaeyjum, fyrirtæki og stofnanir, til að styðja við bakið á útgáfunni með því að kaupa nokkur eintök og fá þeir aðilar bækurnar afhentar í haust þegar hún kemur út.
Þeirra á meðal eru fimm veitingastaðir í Vestmannaeyjum og Sigurgeir tók sig til á dögunum, lét prenta út eina af myndunum sem munu skrýða bókina og afhenti þær á viðkomandi veitingastðum, ásamt stuttum texta um bókina og höfunda hennar, þar sem einnig var tekið fram að viðkomandi veitingastaður væri stuðningsaðili útgáfunnar Eigendurnir hyggjast hengja myndina upp á veitingastöðum sínum. Bókin kemur svo út í haust um mánaðamótin september – október og Sigurgeir segir að líklega verði þetta hans síðasta bók, þetta sé bara orðið ágætt.

Meðfylgjandi er ein mynda Katrínar, sem prýða bókina.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search