Hérna eru fréttir af Þórönnu og Steingrími en þau eru dugleg að láta vita af sér og skrifa nánast á hverjum degi um ævintýri dagssins, við tókum saman nokkra daga og segjum hér frá þeim, kannski ekki alveg í réttri röð en það gerir ekki til.
Við erum búin að fara í hand og fótsnyrtingu hjá vinkonu okkar hér og er saga hennar merkileg. Hún var ein af fyrstu konum sem kom í kvennaathvarfið en er núna snyrtifræðingur á góðri stofu.
Steingrímur fór í klippingu hjá rakara sem þorir að klippa hár hvítingja.
Í gærkvöldi var kveðjustund fyrir eina vinnukonuna því hún er að fara til Nairobi að halda áfram í lögfræðinámi. En hún varð að taka hlé á náminu vegna fjárskorts.
Við hittum nokkra sem við þurftum að tala við og það var gaman að hitta Felix, drenginn sem við höfum styrkt síðan hann var í leikskóla. En hann hefur lokið einu ári í framhaldsskóla.
Við heimsóttum leikskólann á New Life.
Yndisleg börn Börnin ganga syngjandi inn í salinn Hádegismatur Geitur að hvíla sig við búðardyr
Við fórum í kvennaathvarfið og hittum leiðandi fólk og verktakann. Það er byrjað á verkinu og fórum við yfir ýmis atriði með honum. Hann lofaði að verkið yrði vel unnið.
Það er búið að flísaleggja skrifstofu athvarfsins Steingrímur spjallar við verktakann og stjórnarmann. Unnið í athvarfinu
Hópurinn frá Færeyjum fór í morgun og hingað komu tvær danskar konur í dag.
Það var jólastund í New Life leikskólanum við öskuhauga borgarinnar. Þetta er síðasti dagur fyrir sumar og jólafrí. Það er frábært starf sem kennarar vinna og hvert barn er styrkt. Það byrja ný börn eftir áramót og enn vantar styrktarmenn. Endilega hafið samband ef þið viljið styrkja barn
Börnin sungu og voru með kerti, núna rafhlöðukerti. Leikskólabörnin fengu gjafapoka með hveiti, smjörlíki og kexi fyrir jólin. Leiskólastjórinn á meðal gjafapoka og Steingrímur afhendir poka Börnin ganga syngjandi inn í salinn Nemendur New Life á skólalóðinni
Við hjá Tígli minnum á að það er hægt að styrkja þetta verkefni, láta gott af sér leiða og ekki skemmir fyrir að fá að fylgjast með því sem maður er að styrka, hérna er linkur sem hægt er að smella á og skrá sig: https://forms.gle/ziikVZz4ovmGYWrF7
Leikskólabörn í Tumaini Litríkt hús í miðbænum hér, en þau eru flest daufari á litinn Börnin spjalla við Steingrím og gátum við sagt nokkur orð á swahili við þau Steingrímur með verktakanum og forstöðukonu kvennaathvarfsins að fara yfir eldhúsið Matartími hjá leikskólabörnum Þegar heim var komið voru trommur prófaðar Kýr á beit á hringtorgi á leið okkar í dag
Við erum þakklát fyrir allan stuðning að heiman segja þau að lokum.
Við hjá Tígli minnum á að það er hægt að styrkja þetta verkefni, láta gott af sér leiða og ekki skemmir fyrir að fá að fylgjast með því sem maður er að styrka, hérna er linkur sem hægt er að smella á og skrá sig: https://forms.gle/ziikVZz4ovmGYWrF7
