26.10.2020
Eins og staðan er núna gengur vel hjá okkur og sem betur fer hafa engin smit borist inn á heimilið.
Enginn er í sóttkví né einangrun á eyjunni eins og staðan var á föstudaginn en við erum þó ennþá á neyðarstigi því veiran er lúmsk og er enn á kreiki.
Vonandi fáum við pásu frá henni á landsvísu í nóvember og getum aðeins slakað á aftur.
Við erum því núna með áfram heimsóknarreglu um einn á dag, sá sami í 7 daga í röð, notkun maska, sótthreinsun og fjarlægðartakmörkin.
Aðstandendur hafa sýnt ótrúlega þrautsegju og skilning á þessum takmörkunum öllum því þetta er ekki auðvelt, takk fyrir það. Við höfum lagt áherslu á tónlist og upplestur í tómstundastarfinu undanfarið. Bæði fengið reglulega tónlistarflutning frá vinum okkar og sagt svo sögur af tónlistarfólki þar sem spiluð eru lög á milli. Sagðar hafa verið sögur af Ellý Vilhjálms, Villa Vill og Óðni Valdimars. Svo fórum við í tónlistarbingó um daginn sem var mjög skemmtilegt og tókum rafrænan samsöng.
Geir Jón er okkur svo trúr með fréttaflutninginn í hverri viku.
Við erum svo að vinna að því að opna vinnustofu hjúkrunarheimilismegin því enn erum við með dagdvölina aðskilda frá heimilinu.
Við ætlum að taka einn prufudag í því í dag mánudag.
Kær kveðja frá Hraunbúðum
