Í gær skrifaði ÍBV undir samninga við Fatma Kara og Kristjönu Sigurz. Fatma hefur leikið hér á landi með HK/Víking en hún á að baki 35 landsleiki fyrir Tyrkland. Kristjana kemur hinsvegar frá Breiðablik en hún á að baki 15 unglingalandsleiki og þykir mjög efnilegur leikmaður.
ÍBV eru einnig búnar að semja við Þýskan miðjumann og munu svo á næstu dögum undirrita samninga við tvo Bandaríska leikmenn.
ÍBV stefna að því að bæta við sig enn fleiri leikmönnum á næstu vikum. Þá ritaði Sonja Ruiz undir samning um áframhaldandi starf sem nuddari liðsins.
Einnig kemur fram í fréttatilkynningunni frá ÍBV að Clara Sigurðardóttir er samningsbundin ÍBV út næsta leiktímabil.
Eins og áður hefur komið fram er Andri Ólafsson þjálfari, Birkir Hlynsson aðstoðarþjálfari og Þorsteinn Magnússon verður markmannsþjálfari.
Þriðjudagur 5. desember 2023
