Fréttatilkynning - 10 staðfest smit í Vestmannaeyjum | Tígull.is - Fréttir og viðburðir í Vestmannaeyjum
bærinn

Fréttatilkynning – 10 staðfest smit í Vestmannaeyjum

19.03.2020 kl 22:50

Síðustu daga hafa komið upp 10 staðfest COVID-19 tilfelli í Vestmannaeyjum.

Tilfellin eru ekki öll með augljósa tengingu innbyrðis, þ.e.a.s. ekki hafa verið náin samskipti á milli manna í öllum tilvikum. Það eina sem virðist að svo komnu máli tengja öll tilfellin saman eru íþróttakappleikir á höfuðborgarsvæðinu- sem einstaklingarnir eða fólk þeim tengt sótti sem áhorfendur og/eða leikmenn. Það hefur þó ekki verið staðfest og alls ekki hægt að fullyrða neitt að svo komnu máli.

Íþróttamiðstöðinni lokað tímabundið

Þrjú ný tilfelli bættust við í dag og er um að ræða einstaklinga sem tengjast fyrri staðfestum tilfellum. Eitt þeirra tengist Íþróttamiðstöðinni og því hefur verið tekin sú ákvörðun að loka henni tímabundið á meðan málið er skoðað nánar.

Sýking af völdum veirunnar er alla jafna ekki alvarleg og flestir sem sýkjast fá væg eða nánast engin einkenni. Hins vegar geta komið fram alvarleg veikindi hjá öldruðum og ákveðnum áhættuhópum. Ekkert viðnám er í samfélaginu þar sem um nýja veiru er að ræða. Mikilvægt er að gera ráðstafanir til að fyrirbyggja eftir megni að smit berist til áhættuhópa og sömuleiðis er afar mikilvægt að hægja á útbreiðslu þannig að ekki séu mjög margir veikir á sama tíma. Þess vegna er brýnt að greina tilfelli fljótt og eins þá sem hafa verið útsettir og stöðva smitleiðir.

Sóla lokað tímabundið og 7.bekkur var heima í dag

Um hundrað manns hafa þurft að fara í sóttkví í kringum þessi 10 staðfestu tilfelli og auk þess er talsverður fjöldi fólks í sóttkví vegna dvalar á áhættusvæðum. Loka hefur þurft leikskólanum Sóla tímabundið og í gærkvöldi var ákveðið að 7. bekkir Grunnskóla Vestmannaeyja væru heima í dag. Ástæðan fyrir því var að nemendur þar tengjast tilfellum og auk þess hefur verið óvenju mikið um veikindi í þessum árgangi. Sýni voru tekin frá öllum nemendum sem eru með einkenni og niðurstöður sýna sem tekin voru í gær eru neikvæðar. Sýni voru tekin hjá öðrum nemendum með einkenni í árgangnum í dag og er niðurstöðum þeirra að vænta í kvöld og á morgun.

Um þessar mundir eru mjög sérstakar aðstæður hér á landi og í öllum heiminum vegna COVID-19 faraldursins. Víðtækar sóttvarnaráðstafanir eru í gangi sem hafa það að markmiði að hefta útbreiðslu, draga úr smiti í áhættuhópum og síðast en ekki síst að hindra að mjög margir verði veikir á sama tíma.

Opinn fundur á netinu næsta laugardag

Vestmannaeyjar sem samfélag hefur brugðist vel við yfirvofandi faraldri og ráðstafanir í Eyjum hafa verið síst umfangsminni en annars staðar. Tilviljun getur hins vegar ráðið því hvar veiran stingur sér niður eins og dæmin sanna.
Á laugardag er fyrirhugað að halda opinn fund á netinu þar sem íbúum býðst að spyrja fulltrúa aðgerðastjórnar spurninga og fá svör í útsendingu. Fundurinn verður kynntur vel áður en af honum verður.

Aðgerðastjórn

Share on facebook
Share on twitter
Share on linkedin
Share on google
Share on print
Lista- og menningarverkefnið 1000 Andlit Heimaeyjar í Landandum í kvöld
Mikið um lausagang sauðfés í Vestmannaeyjum
Myndaveisla í makríl og síldinni heilsað
Hin árlega sýning
Njáll og Trausti í live viðtali vegna fjölgun bæjarfulltrúa – rök með og á móti – myndbönd
Heimasíða 1000 Andlit komin í loftið – Landinn fjallar um verkefnið í næsta þætti á Rúv

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X