Á 3198. fundi bæjarráðs dags 26.07.2023 var tekið fyrir umsóknir á leikskóla og staða inntökumála. Þar samþykkti ráðið erindi Fræðsluráðs Vestmannaeyja (fundur 374) um að setja upp nýtt leikskólarými á Kirkjugerði og bæta við í byrjun rými fyrir um 20 börn. Ráðið fól framkvæmdastjóra að fullvinna kostnaðaráætlun við húsnæðið og framkvæmdina og leggja fyrir bæjarráð. Minnisblað framkvæmdastjóra umhverfis- og framkvæmdasviðs og framkvæmdastjóra fjölskyldu- og fræðslusviðs var tekið fyrir á síðasta fundi bæjarráðs bæjarráði. Þar er m.a. að finna áætlaðan árlegan rekstrarkostnað af nýrri deild, stofnkostnað vegna kaupa á innanstokksmunum og tækjum og framkvæmdakostnað, ef miðað er við húsnæði í formi gámaeininga og frágang á þeim.
Árlegur rekstur af deild Rekstur á nýrri deild er áætlaður um 51 til 74 milljón á ári. Launaþátturinn sveiflast frá 43 – 66 milljónir og skýrist mismunur á kostnaði af hlutfalli ófaglærðs og faglærðs fólks. Annar kostnaður er matarkostnaður sem er áætlaður um 7 milljónir, hækkun stjórnunarkostnaðar (en laun skólastjóra ræðst af stærð skólans þ.e. nemendafjölda) og orkukostnaði.
Stofnkostnaður
Stofnkostnaður af húsgögnum og leikföngum er áætlaður um 4,5 miljónir. Innifalið í því eru borð, stólar, skápar, hillur, dýnur, teppi, koddar, gardínur, skilrúm og leikföng. Stofnkostnaður vegna eldhús er áætlaður um 1,4 milljón. Innifalið í því er uppþvottavél, ísskápur, örbylgjuofn, helluborð, hitakassi, matvagn, borðbúnaður og þurrkskápur. Samanlagður stofnkostnaður er því áætlaður 6 milljónir.
Framkvæmdakostnaður
Framkvæmdakostnaður er áætlaður um 39 milljónir. Innifalið í því eru þrjár gámaeiningar, flutningur á gámaeiningum, vinna við að setja einingarnar saman, jarðvinna, tenging lagna (neysluvatn, hiti og rafmagn) og frágangur að einingunum.
Samanlagður framkvæmda- og stofnkostnaður er áætlaður um 45 milljónir.
