Þriðjudagur 25. júní 2024

Frábær árangur hjá U-17 kvennalandsliðinu – leika til úrslita eftir sigur á Spánverjum!

Handbolti.is greindi frá því í dag að íslenska landsliðið tryggði sér í úrslit B-deildar Evrópumóts kvenna í Litáen með sigri á Spánverjum, 32:31

U17 ára landslið Íslands í handknattleik kvenna mætir landsliði Norður Makedóníu í úrslitaleik B-deildar Evrópumóts kvenna í Klaipéda í Litáen á morgun. Norður Makedóna vann Pólland í hinni viðureign undanúrslitanna, 25:22 nú í kvöld.

Úrslitaleikur Íslands og Norður Makedóníu hefst klukkan 15 á morgun og verður hægt að fylgjast með honum í beinni útsendingu á ehftv.com án endurgjalds.

Lið Norður Makedóníu hefur unnið fjóra leiki á mótinu en tapað einum, fyrir Spáni, 27:24.

Inga Dís Jóhannsdóttir skoraði sigurmarkið þegar 21 sekúnda var til leiksloka.

Þetta var fyrsta tap spænska liðsins í mótinu en það hafði unnið alla andstæðinga sína á sannfærandi hátt fram til þessa. Íslenska liðið er enn taplaust, fjórir sigrar og eitt jafntefli.

Íslenska liðið byrjaði leikinn af gríðarlegum krafti og skoraði sex af fyrstu átta mörkum leiksins á sjö fyrstu mínútunum. Segja má að þar með hafi liðið gefið tóninn. Um miðjan hálfleikinn var enn fjögurra marka munur, 10:6. Spánverjar bitu frá sér með góðum kafla og tókst að jafna metin, 15:15, þegar fjórar mínútur voru til hálfleiks. Á þessum tíma reyndu var eins íslensku stelpurnar færu aðeins út úr hlutverkum sínum. Þær áttu það til að flýta sér um of sem engin ástæða var til.

Tvö síðustu mörkin í hálfleiknum voru íslensk, 17:15, þegar gengið til búningsherbergja eftir hraðann og mikinn markaleik.

Eyjapæjurnar í landsliðunu: Þóra, Sara, Elísa, Amelía og Rakel. Mynd Elísa Árni Jónsson.

Jafnt á öllum tölum

Spænska liðið byrjaði síðari hálfleik betur og jafnaði fljótlega metin og komst yfir, 22:21, þegar níu mínútu voru liðnar. Nokkrar tveggja mínútna brottvísanir gerðu íslenska liðinu erfitt um vik. Því tókst engu að halda í við spænska liðið svo það var jafnt á öllum tölum, þannig sauð á keipum.

Eftir nokkurt þóf á báða bóga í stöðunni 29:29 tókst Amelíu Dís Einarsdóttur að koma íslenska liðinu yfir, 30:29, þegar fjórar mínútur voru eftir. Enn missti íslenska liðið mann af leikvelli þegar þrjár mínútur voru eftir.

Sætt sigurmark

Einni mínútur fyrir leiksloka í jafnri stöðu, 31:31, hóf íslenska liðið sókn. Inga Dís Jóhannsdóttir skoraði af harðfylgi, 32:31, þegar 21 sekúnda var eftir. Þá náði hún boltanum eftir að sending hennar á Elíus Elíasdóttur línumann rataði ekki í rétta leið. Lokasókn Spánar endaði á ruðningi og þar með var björinn unninn. Undir lokin munaði einnig gríðarlega miklu að Elísa Helga Sigurðardóttir varði afar mikilvæg skot í jafnri stöðu.

Tinna Sigurrós Traustadóttir var valin maður leiksins í íslenska liðinu.

Mörk Íslands: Elísa Elíasdóttir 7, Tinna Sigurrós Traustadóttir 7, Elín Klara Þorkelsdóttir 4, Katrín Anna Ásmundsdóttir 4, Inga Dís Jóhannsdóttir 3, Lilja Ágústsdóttir 3, Amelía Dís Einarsdóttir 2, Sara Dröfn Richardsdóttir 2.

Elísa Helga Sigurðsdóttir varði fimm skot og Ingunn María Brynjarsdóttir fjögur.

 

Efri röð f.v.: Inga Dís Jóhannsdóttir, Lilja Ágústsdóttir, Þóra Björg Stefánsdóttir, Brynja Katrín Benediktsdóttir, Rakel Oddný Guðmundsdóttir, Elín Klara Þorkelsdóttir, Elísa Elíasdóttir, Embla Steindórsdóttir, Elísa Helga Sigurðardóttir, Ingunn María Brynjarsdóttir. Fremri röð f.v.: Tinna Sigurrós Traustadóttir, Katrín Anna Ásmundsdóttir, Elínborg Katla Þorbjörnsdóttir, Thelma Melsteð, Sara Dröfn Richardsdóttir, Amelía Dís Einarsdóttir. Mynd/Dagur

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search