Það er sannkölluð fótboltaveisla um helgina í Vestmannaeyjum.
Þetta hefst í dag kl 17:15 þegar stelpurnar fá Fylki í heimsókn í loka leik Pepsi Max deildarinnar þetta tímabilið. Iðkendur eru hvattir til að mæta í hvítu og verður einn heppinn iðkandi dreginn út og fær hann ÍBV treyju áritaða af leikmönnum liðsins.
Eyjablikk og KAPP ætla að bjóða öllum frítt á leikinn
Á morgun fá strákarnir svo Þrótt í heimsókn, með sigri tryggja þeir sig upp í Pepsi Max deildina á næsta ári.
Gleðin hefst klukkan 13 og verða hoppukastalar, grillaðar pylsur og gefins ís, en leikurinn hefst svo klukkan 14.
Frítt er á leikinn í boði Ísfélagsins sem býður einnig upp á veitingarnar ásamt Heildsölu Karls Kristmanns.
Mætum öll í hvítu og fyllum stúkuna á Hásteinsvelli, látum í okkur heyra og styðjum ÍBV til sigurs!
