Flutti frá Eyjum í gosinu en hefur nú snúið aftur til baka | Tígull.is - Fréttir og viðburðir í Vestmannaeyjum
Stjornun_JohannPetur

Flutti frá Eyjum í gosinu en hefur nú snúið aftur til baka

Stjórnun er fyrirtæki sem sérhæfir sig í að þjónustað fyrirtæki á sviði bókhalds, launavinnslu og rekstrarráðgjafar. Jóhann Pétur hefur rekið Stjórnun síðan 1995.

Jóhann Pétur flutti frá Eyjum í gosinu en hefur nú snúið aftur til baka og býður upp á flotta þjónustu. Tígull heyrði aðeins í Jóhanni Pétri, rifjum upp hver maðurinn er.

Jóhann Pétur Sturluson er fæddur, og uppalinn í Eyjum fram að gosi en þá var hann 14 ára gamall. Hús fjölskyldunnar var við Suðurveg 12 og er enn undir ösku og er það stór ástæða þess að fjölskyldan flutti ekki aftur eftir gos.    

Jóhann Pétur flutti aftur til Eyja fyrir tæpu ári síðan en Eyjarnar hafa alltaf togað í hann.

Hann lék fótbolta með ÍBV og varð íslandsmeistari í 5. flokki til að mynda.

Faðir Jóhanns var Sturla Þorgeirsson, oft kenndur við timbursöluna, þar sem hann var verslunarstjóri. Faðir hans Þorgeir Frímannsson, einn af stofnendum Týs, rak verslunina Fell við Heimagötu.    

Móðir Jóhanns er Guðbjörg Pálsdóttir, dóttir Palla krata sem var þingmaður Eyjamanna og rak veiðafæraverslun Páls Þorbjörnssonar í húsinu þar sem Kráin er í dag.  

Jóhann Pétur rekur í dag Stjórnun ehf  auk þess er hann með í rekstri Norðurkletta ehf. sem starfar í byggingageiranum, til dæmis er félagið í dag að flytja inn einingarhús frá Eistlandi.

Stjórnun ehf. hóf rekstur árið 1995 og var stofnað af Jóhanni Pétri, sem í dag er framkvæmdastjóri félagsins. Stjórnun ehf. hefur frá upphafi rekstrar aðallega þjónustað fyrirtæki á sviði rekstrarráðgjafar, bókhalds og  launavinnslu. Rekstrarráðgjöf Stjórnunar ehf. byggir í grunninn á aðferðafræði „breytingastjórnunar“ og er rekstrargreining mikilvægur þáttur í slíkri vinnu. Í dag hefur firmasala bæst í hóp þjónustuþátta og tekur Stjórnun ehf. að sér ýmsa aðstoð við sölu fyrirtækja.

Jóhann Pétur er með MSc gráðu frá Háskóla Íslands með áherslu á „stjórnun og stefnumótun“. Meistararitgerð Jóhanns var um „breytingastjórnun“. Einnig er Jóhann með BSc gráðu í viðskiptafræðum frá Háskóla Íslands. Fyrir stofnun Stjórnunar ehf. hafði Jóhann öðlast víðtæka reynslu úr atvinnulífinu og meðal annars starfað sem framkvæmdastjóri tveggja bygginga-félaga.

Einkunnarorð Stjórnunar ehf. er að „þjónusta fyrirtæki af öllum stærðum og gerðum með það að markmiði að veita úrvals þjónustu á samkeppnishæfu verði“

Félagið leggur áherslu á að veita persónulega þjónustu sem sniðin er að þörfum hvers og eins viðskiptavinar. Auðvelt er að ná sambandi við stjórnendur félagsins og komi upp staða hjá viðskiptavinum sem krefst snarpra viðbragða er unnið með stjórnendum viðskiptavinar með lausnamiðun og sameiginlegu átaki.

Ef fyrirtækið þitt vantar aðstoð með rekstarráðgjöf, bókhald, eða launavinnslu  þá er um að gera að hafa samband við Jóhann. Hægt er að senda tölvupóst á netfangið  johann@stjornun.is eða hringja í síma 868-5555

Share on facebook
Share on twitter
Share on linkedin
Share on google
Share on print
Helgi R. Tórzhamar – gaman að skyggnast bakvið tjöldin hjá fólki og atvinnugreinar þess
Maður reddar sér bara þegar ekki er í boði að fara í tjörnina inn í dal
Brekkusöngur í nokkrum hverfum á eyjunni – myndbönd og myndir
Ágúst Halldórsson hrekkjalómur eyjanna setti þjóðhátíð á föstudaginn kl 15
Einar Björn tók að sér sigið í ár og leysti það með mikilli snilld
Bryggjurúntur í dag 2. ágúst með Halldóri B.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X