Miðvikudagur 5. október 2022
Eyþór Harðar

Fjórum villum svarað

Ég hef fengið það hlutverk að sitja bæjarstjórnarfundi þegar forföll verða hjá aðalbæjarfulltrúum Sjálfstæðisflokksins.

Á síðasta fundi bæjarstjórnar fékk ég tækifæri á að segja mína skoðun á hvernig meirihluti E og H listans hafa unnið að málefnum Hraunbúða undanfarið ár. Ég er ekki sammála þeirra vegferð í að setja reksturinn frá okkur með þeirri óvissu sem fylgir því. Það þótti framfaraspor á sínum tíma þegar við tókum reksturinn til okkar og bættum þjónustuna. Ég tel farsælla að Vestmannaeyjabær reki starfsemina á Hraunbúðum og með því sinnum við okkar eldra fólki betur hér í Eyjum. Við höfum efni á að bæta í reksturinn því fé sem við teljum viðunandi þjónustu við okkar fólk.

Þau sem leiða meirihlutann hafa ekki lært eða tileinkað sér mikið af kurteisi eða umburðarlyndi á skoðunum annara þessi þrjú ár sem þau hafa verið við völd. En á sama tíma hefur íbúalýðræði náð nýjum hæðum að þeirra sögn hér í Vestmannaeyjum. Ég fékk yfir mig “drulluna” eins og sagt er, fyrir það að vera á annari skoðun en þau og þau bókuðu að mér til vorkunnar þekkti ég ekki til málsins eða forsögu þess, auk þess að ég væri að slá mig til riddara með minni bókun. Háðið og lítilsvirðingin sem ég fékk beint í fangið á þessum fundi fyrir það eitt að telja að rekstur Hraunbúða yrði betri í höndum Vestmannaeyjabæjar en ríkisins, var ekki boðlegt að mínu mati. Njáli hefur ekki dugað sitt framferði á bæjarstjórnarfundinum, heldur bætir hann um betur og skrifar grein í gær þar sem hann segir umrædda bókun mína vera nokkurs konar met í að fara með rangt mál.

  1. Fyrsta villan var sú að ég sagði að meirihluti E og H listans hafa klúðrað málefnum Hraunbúða – honum fannst vanta að ég nefndi fulltrúa D listans. Njáli til upplýsinga þá fer meirihlutinn með völdin og hann getur ekkert afsakað sín verk með því að benda á minnihlutann. Mín sannfæring er að við eigum að reka Hraunbúðir og ég er ekki bundin af skoðun annara bæjarfulltrúa.
  2. Önnur villan sem hann nefnir er að ég fullyrti að meirihlutinn hafði lofaði því á undirbúningsfundi sem ég sjálfur tók þátt í fyrir bæjarstjórnarfund að staldrað yrði við í málinu ef ekki fengist meira fé frá ríkinu til rekstursins, og þá metið hvort við héldum áfram rekstrinum. Þarna setur hann fram frekar ógeðfeld rök og segir málið aldrei hafa verið rætt á formlegum fundi – en auðvitað fór ég ekki fram með þetta mál á formlegum fundi þar sem ég vildi ekki trufla baráttuna við ríkið um meira fjármagn til rekstursins.
  3. Þriðja villan sem formaður bæjarráðs sá í þessari bókun var að það sé rangt að málin hafi þróast óhikað í stöðuna sem nú er uppi, en hann vill meina að að hann hafi setið marga fundi áður en þessi staða kom upp og þ.a.l. ekki óhikað. Sérstakur útúrsnúningur hjá Njáli hér.
  4. Fjórða villan var sú að ég hafði áhyggjur af þessum málaflokki sem snýr að dvalarþjónustu aldraðra í Vestmannaeyjum. Njáll vill meina að ég sé algjörlega út á túni í umræðunni þar sem við erum með hjúkrunarþjónustu á Hraunbúðum en ekki dvalarþjónustu.

Njáll vill hafa umræðuna vitræna á bæjarstjórnarfundum. Mér finnst hann ekki hjálpa til við það.

Eyþór Harðarson, varabæjarfulltrúi.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is