Á fundi Bæjarráðs í gær sagði Íris Róbertsdóttir bæjarstjóri frá því að hún hafi óskaði eftir því við innviðaráðherra í síðustu viku, að fjölgað yrði flugferðum til og frá Vestmannaeyjum.
Farþegatölur síðustu vikna benda til þess að fjöldi fólks sé að nýta sér flugsamgöngur, sem er afskaplega jákvætt. Sértækur ríkisstyrkur, sem veittur er á grundvelli covid, er forsenda fyrir fluginu og hefur styrkurinn verið veittur síðan í desember síðastliðin.
Nýting flugsamgangna hafa verið góðar því fjórðu ferðinni bætt við
Í Vegagerðinni er verið að vinna að undirbúningi útboðs á ríkisstyrktu flugi til Vestmannaeyja sem væri framtíðarfyrirkomulag, þar sem markaðslegar forsendur fyrir flugi tvisvar á dag, eru ekki til staðar. Nýting flugsamgangna hafa verið góðar.
Samgönguráðuneytinu ætti því að gefast svigrúm til fjölgunar flugferða til og frá Vestmannaeyjum, sérstaklegaí ljósi þess að sjósamgöngur hafa verið erfiðar síðustu mánuði.
Svar hefur borist frá ráðuneytinu um að bætt verði við fjórðu ferðinni í tengslum við covid aðgerðina sem sett verður í áætlun í samkomulagi við Flugfélagið Erni.
Bæjarráð fagnar þessu
Bæjarráð ítrekar mikilvægi góðra flugsamgangna við Vestmannaeyjar, sérstaklega yfir vetrarmánuðina, samanber aðstæður undanfarna daga.
Það skiptir máli að gripið sé til sértækra aðgerða til þess að bæta við flugferðum nú í marsmánuði. Því fagnar bæjarráð að nú hafi ráðuneytið samþykkt að bæta við fjórðu flugferðinni á milli lands og Eyja á grundvelli þessarar sértæku covid aðgerðar. Mikilvægt er að hafa kröfu um tvær flugferðir á dag þegar hugað er að útboði á ríkisstyrktu flugi.
Forsíðumynd: Jói Myndó
