Fjölmargar umsagnir bárust vegna stórskipakants við Brimnes

Á fundi umhverfis- og skipulagsráðs sl. mánudag voru farið yfir umsagnir að lokinni auglýsingu skipulagslýsingu vegna breytingar á Aðalskipulagi Vestmannaeyja 2015-2035 vegna nýrra landnotkunareita fyrir hafnarsvæði Vestmannaeyjahafnar.

Alls bárust 39 umsagnir vegna málsins; 7 frá opinberum umsagnaraðilum, 10 frá fyrirtækjum og félögum og 22 frá íbúum. Landsnet bendir á að verði að byggingu stórskipakants við Brimnes þurfi að huga að rekstri rafstrengja sem þar eru og munu koma. Færsla á háspennustrengjum sé dýr og flókin aðgerð og staðsetning stórskipahafnar svo nálægt landtöku strengjanna geti ógnað rekstraröryggi.
Náttúrufræðistofnun Íslands og Umhverfisstofnun benda á að um sé að ræða óafturkræf neikvæð áhrif á nútímahraun sem nýtur verndar og rask á svæði sem tilheyrir náttúruminjaskrá.
Meðal viðfangsefna umsagna íbúa var ánægja með og ítrekun á mikilvægi framkvæmda við höfnina og ábendingar um útfærslu. Einnig komu fram áhyggjur af röskun við Löngu og áhrif á ásýnd innsiglingar og upplifun ferðamanna við komu til Vestmannaeyja vegna iðnaðarsvæðis við Brimneskant.
Á 303 fundi Framkvæmda- og hafnarráðs er óskað eftir að við áframhaldandi gerð skipulagsáætlana sé aðalskipulagi við Löngu haldið óbreyttu fyrir utan styttingu Hörgaeyrargarðs.

„Ráðið þakkar bréfriturum og íbúum sem hafa látið sig málið varða. Ráðið tekur undir tillögu frá 303 fundi Framkvæmda- og hafnarráðs um að halda núverandi aðalskipulagi við Löngu óbreyttu að undanskilinni styttingu Hörgaeyrargarðs.
Lagt er til að unnin verði tillaga á vinnslustigi að breyttu Aðalskipulagi Vestmannaeyja 2015-2035 sem geri ráð fyrir stækkun Hafnarsvæðis H-2 til austurs.
Ráðið felur starfsfólki sviðsins framgang málsins“

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search