28.02.2020
Við vorum að senda eftirfarandi tilkynningu til nemenda og forráðamanna.
Eins og kunnugt er hefur Ríkislögreglustjóri lýst yfir óvissustigi á landinu vegna COVID-19. Það er gert í samráði við sóttvarnarlækni og embætti landlæknis.
Vegna þessa var kafla um leiðbeiningar fyrir skóla um varnir gegn sýklum hraðað og má sjá hér. Frekari upplýsingar og leiðbeiningar útbreiðslu COVID-19 er að finna á vefsíðu embættis landlæknis á https://www.landlaeknir.is/
Nemendur og starfsmenn FÍV eru hvattir til að kynna sér rækilega upplýsingarnar og fylgja ábendingum um varnir gegn smiti og grípa til aðgerða ef grunur um smit vaknar.
Í næstu viku eru námsmatsdagar og einhverjir nýta þá daga til ferðalaga.
Áður en snúið er til náms á ný er mælst til að farið sé eftir ráðleggingum sóttvarnarlæknis sem uppfærðar eru eftir ástæðum og má finna hér.
Kveðja
Helga Kristín Kolbeins
skólameistari
