Félagið okkar í mestu ógöngum frá stofnun ÍBV íþróttafélags 

Aðalstjórn ÍBV íþróttafélags gaf í gær út yfirlýsingu þar sem hún óskar þess að Þjóðhátíð fari fram með friði og spekt.  Áður hafði aðalstjórn tekið ólöglega og ranga ákvörðun sem hún vissi að myndi sprengja félagið, en fyrrverandi framkvæmdastjóri félagsins hafði tjáð núverandi framkvæmdastjóra það áður en ákvörðunin var tekin að sú yrði afleiðingin.

Hver er ákvörðunin? 

Hver er ákvörðunin? Að það umframfé (hagnaður) sem til verður hjá ÍBV íþróttafélagi sem m.a. verður til við fjáraflanir félagsins og heildarsamninga við fyrirtæki hefur hingað til verið skipt 50/50 milli handknattleiks-  og knattspyrnudeildar, verði skipt 64,29% til knattspyrnudeildar og 35,71% til handknattleiksdeildar.

Á árinu 2021 nam hagnaðurinn 67.000.000 kr. og í staðinn fyrir að báðar deildir fengju 33.500.000 kr. eða 50% eins og verið hefur frá stofnun þess, fékk handknattleiksdeildin 23,9 milljónir og knattspyrnudeild 43 milljónir.

 

Risastór ákvörðun illa ígrunduð 

Þessi risastóra ákvörðun aðalstjórnar var illa ígrunduð og ekki haft nægjanlegt samráð við deildir og félagsmenn. Ákvörðuninn var tilkynnt í tölvupósti og það tekið skýrt fram að þetta sé ákvörðun aðalstjórnar, svona sé þetta og svona verði þetta héðan í frá.

Nú boðar aðalstjórn félagsins frestun á frekari áhrifum þessarar ákvörðunar. Það er eftir að búið er að skipta 67 milljónum innan félagsins með þessum ranga hætti auk þess sem búið er að hafa samband við stóra styrktaraðila og fá þá til að gera heildarsamninga með þessum sama hætti.

“Bara byrjunin á þeirri leiðréttingu sem þarf að fara fram” 

Leikmenn og þjálfarar handboltans héldu fund með aðalstjórn sl. miðvikudag. Á þeim fundi fóru leikmenn og þjálfarar margoft yfir það með aðalstjórn að draga þessa ákvörðun til baka og koma saman nefnd og þá í framhaldi kæmi handknattleiksfólkið og myndi klára sitt verk fyrir félagið eins og alltaf.

Í framhaldi barst handboltanum tölvupóstur frá einum stjórnarmanni í aðalstjórn sem hefur lítið tjáð sig um málið á öllum þeim fundum sem haldnir hafa verið.  Í tölvupóstinum sagði m.a. þetta um ákvörðunina sem aðalstjórn tók þann 15. mars sl.

“Hún er bara byrjunin á þeirri leiðréttingu sem þarf að fara fram.”

Hvað næst – skipting upp á 75/25 eða 90/10? 

Er nema von að þeir sem standa að handboltanum í Vestmannaeyjum spyrji sig hvert aðalstjórn félagsins stefni í þessu máli. Er það skipting upp á 75/25 eða 90/10?

Aðalstjórn sem hefur tekið ákvörðun sem er “bara byrjunin á þeirri leiðréttingu sem þarf að fara fram” er auðvitað ekki að fara að draga fyrri ákvörðun til baka.

Hvað þarf til – til að ná sáttum? 

Hvað stendur útaf í dag til að ná sátt hjá ÍBV?

Bara til að halda öllu til haga, þá er þetta sem stendur útaf til þess að ná sátt í félaginu:

  1. Aðalstjórn dragi ákvörðun til baka, eins og hefur verið rætt um margoft við hana.
  2. Nefnd verði skipuð með samþykki handknattleiks- og knattspyrnuráðum félagsins sem fer ítarlega yfir umrætt mál.

Nú getur hver sem er í félaginu tekið afstöðu til þessara sáttatillagna, en ofangreindar tillögur okkar fóru fyrir fund aðalstjórnar í gær og fengu því miður ekki góðar undirtektir.

Svo það sé sagt þá hefur handknattleiksforystan ítrekað reynt allt til að sanna tilverurétt sinn innan félagsins fyrir framkvæmdastjóra og aðalstjórn félagsins síðustu mánuði.

Þegar ég mun gera skil á samskiptum mínum  við framkvæmdastjóra og aðalstjórn síðustu mánuði getur hver og einn gert upp hug sinn hvort það sé handbolta-armurinn eða framkvæmdastjóri og aðalstjórn sem sé um að kenna í þessum málum.

 

Vinnubrögðin leitt til vantrausts 

Enn ein staðfesting á að hugur fylgi ekki máli hjá aðalstjórn er að á sama degi og stjórnin biður um frið og spekt fram yfir Þjóðhátíð og áður en nokkur veit af afstöðu aðalstjórnar skuli ákveðið af sama fólki að færa brennu-fjáröflun handboltans yfir til knattspyrnunnar. Er það í anda friðar og spektar?

Traustið á aðalstjórn og yfirstjórn félagsins er farið með þeirra vinnubrögðum, sem leitt hefur félagið í sínar mestu ógöngur frá stofnun þess.

Daði Pálsson

 

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search