Stofnfundur áhugafólks um velferð dýra í Vestmannaeyjum var haldinn að miklu fjölmenni þann 5. mars síðastliðinn.
Félaginu var gefið nafnið Félag dýravina í Vestmannaeyjum.
Kosið var í stjórn og hana skipa:
Þóra Gísladóttir, formaður
Sonja Andrésdóttir, varaformaður
Georg Eiður Arnarsson
Elín Björk Hermannsdóttir
Daníel Edward Jónsson
Elísa Hallgrímsdóttir
Marsibil Sara Pálmadóttir.
Facebooksíða félagsins er Dýravinafélag Vestmannaeyja.
Fyrir þau sem vilja hafa samband við þau þá eru þau með netfangið:
dyravinafelagvestmannaeyja@gmail.com
Stjórnarmeðlimir vilja ítreka við gæludýraeigendur að hirða upp eftir sín dýr.
Þeir sem hafa áhuga á að vera með geta sent tölvupóst á félagið eða haft samband við stjórnarmeðlimi.
Í samtali við Sonju Andrésdóttur sagði hún að það væri mikil vinna farin í gang. En þau eru að herða á að koma húsinu við Malarvöllinn í lag svo hægt sé að taka á móti dýralæknum. En hingað hafa ekki komið dýralæknar í 7 mánuði. Einnig erum við í viðræðum við Herjólf um að koma upp aðstöðu fyrir dýrin okkar eða plássi þar sem við getum verið með dýrin.
Það er ýmislegt sem mætti bæta hér fyrir dýrin okkar og erum við með margar hugmyndir en við munum gera okkar besta til að koma þessu öllu í góðan farveg.
Það er alltaf gott að fá ábendingar svo að ef að fólk vill þá má endilega senda okkur tölvupóst á netfangið okkar, segir Sonja að lokum.
