Fæðingarorlof lengt í tólf mánuði – Tígull.is – Fréttir og viðburðir í Vestmannaeyjum
faedingarorlof

Fæðingarorlof lengt í tólf mánuði

Í kvöld var samþykkt á Alþingi að fæðingarorlof yrði lengt úr níu mánuðum í tólf og segir forsætisráðherra þetta vera góðan dag fyrir íslenskt samfélag.

Alþingi samþykkti í kvöld að fæðingarorlof yrði lengt úr níu mánuðum í tólf í tveimur skrefum. „Þetta er risastórt framfaraskref fyrir íslenskar fjölskyldur, börn og foreldra þeirra, en líka risastórt jafnréttismál,“ segir Katrín Jakobsdóttir, forsætisráðherra um málið á Facebook síðu sinni.

Saga réttinda til fæðingarorlofs á Ísland er frekar áhugaverð að mati Katrínar en í samanburði við við önnur Norðurlönd kom rétturinn seint til og var að auki þröngt skilgreindur framan af.

„Árið 1980 voru samþykkt lög um að allar konur fengju rétt til þriggja mánaða orlofs og greiðslur í sex mánuði, en heimavinnandi konur áttu rétt á þriðjungi af greiðslum sem konur á vinnumarkaði fengu,“ segir Katrín sem rekur sögu orlofsins í stórum dráttum í færslunni.

Tveir áratugir síðan síðustu breytinga

Núgildandi lög um fæðingarorlof komu til sögunnar árið 2000 og var rétturinn þá lengdur í þrepum í níu mánuði. „Önnur tuttugu ár liðu þannig án þess að orlofið lengdist nokkuð, þangað til núna í tíð okkar ríkisstjórnar.“

Ríkisstjórnin hafi á síðustu tveimur árum annars vegar hækkað greiðslur og hins vegar lengt orlofið. „Hvorttveggja mikilvæg skref til að vinna gegn fátækt barna og auka lífsgæði barnafjölskyldna. Góður dagur fyrir íslenskt samfélag,“ segir forsætisráðherra að lokum.

Katrín Jakobsdóttir.

Tekið af vef Fréttablaðsins.


Share on facebook
Share on twitter
Share on linkedin
Share on google
Share on print
Jólasveinaklúbbur 2020
Sektarlaus vika á Bókasafni Vestmannaeyja!
Skora á umhverfis og skipulagsráð Vestmannaeyja
Týnd í 47 ár en er nú komin í réttar hendur
Guðdómlega fallegur fluttningur hjá Unu og Söru Renee á laginu The Prayer
26 styrkumsóknir bárust fyrir Viltu hafa áhrif 2021

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is